शहरं
Join us  
Trending Stories
1
Maharashtra Vidhan Sabha Election 2024: 'शरद पवारांचे नाव घेतलं की अंगावर काटा येतो, त्यांच्यावर बोलणं..."; नरहरी झिरवाळांनी स्पष्टच सांगितलं
2
सुनील केदार समर्थकांच्या बंडखोरीनं मविआत संताप; ठाकरे-पवारांच्या उमेदवारांना फटका?
3
लिव्ह इनमध्ये राहणाऱ्या युवतीच्या मृत्यूचं रहस्य; फ्लॅटमध्ये आढळला मृतदेह
4
देवेंद्र फडणवीसांच्या सुरक्षेत अचानक वाढ, तपास यंत्रणा अलर्ट; नेमकं काय घडलं?
5
मराठा उमेदवारांबाबत रविवारी होणार निर्णय; अंतरवली सराटीत येण्याचे मनोज जरांगेंचे आवाहन
6
वेगवेगळ्या चकमकीत 3 दहशतवाद्यांचा खात्मा; ज्या घरात अडकले होते, त्यालाच जवानांनी लावली आग
7
Rajnath Singh : "अशी परिस्थिती येईल जेव्हा..."; दहशतवादी हल्ल्यांबाबत राजनाथ सिंह यांची मोठी भविष्यवाणी
8
IND vs NZ, 3rd Test Day 2 Stumps: दुसऱ्या दिवशी १५ विकेट्स; तिसऱ्या दिवशीच फुटणार विजयाचे फटाके?
9
केरळमध्ये ट्रॅक साफ करणाऱ्या कर्मचाऱ्यांना ट्रेनने उडवलं; चौघांचा मृत्यू, एकाचा मृतदेह सापडेना
10
Vidhan Sabha Election: मतदान ओळखपत्र नसेल तर काळजी नको, हे १२ पुरावे चालतील; वाचा संपूर्ण लिस्ट!
11
"अजित पवारांना घोटाळ्यावरुन ब्लॅकमेल केलं"; जयंत पाटलांच्या आरोपांवर फडणवीस म्हणाले, "त्यांचा चेहरा बघा"
12
आबांवरील टीकेनंतर नाराजी; शरद पवारांनी अजितदादांना फटकारलं, म्हणाले...
13
पवार कुटुंब एकत्र येणार? आमच्यात फक्त राजकीय मतभेद; सुनेत्रा पवारांचं मोठं विधान
14
सोमवारनंतर मतदारसंघांतील चित्र होणार स्पष्ट; विधानसभेच्या प्रचारासाठी मिळणार फक्त 'इतके' दिवस!
15
Maharashtra Vidhan Sabha Election 2024 : "दादांना विलन करण्याचा प्रयत्न असेल तर..." ; तटकरेंचा जयंत पाटलांना इशारा
16
जिद्दीला सलाम! १ कोटीची नोकरी सोडून सुरू केली कंपनी; तरुणांसाठी करतेय मोठं काम
17
शायना एनसींना इम्पोर्टेड माल म्हटल्याबद्दल अरविंद सावतांनी मागितली माफी; म्हणाले, "जाणूनबुजून मला..."
18
Maharashtra Vidhan Sabha Election 2024: सांगलीत महायुतीला मोठा दिलासा! सम्राट महाडिकांचा यू-टर्न, अपक्ष अर्ज माघार घेणार; सत्यजीत देशमुखांचा प्रचार करणार
19
खानयारमध्ये चकमक सुरूच; दहशतवादी लपलेल्या घराला स्फोटानंतर लागली भीषण आग
20
Bad Luck! कोहलीच्या बॅटनं खेळण्याची हुक्की; Akash Deep वर ओढावली Diamond Duck ची नामुष्की!

स्थायी समितीच्या बैठकीत अधिकाऱ्यांना धारेवर धरले

By admin | Published: January 14, 2017 12:24 AM

जिल्हा परिषद मुख्य कार्यकारी अधिकाऱ्यांच्या कक्षातील भिंतीवरून हिंदवी स्वराज्याचे संस्थापक राजे शिवाजी महाराज यांचे छायाचित्र काढण्यात आल्याने ...

वादळी सभा : शिवरायांचे छायाचित्र, लघु पाटबंधारे विभागाच्या प्रभाराचे प्रकरण गाजलेभंडारा : जिल्हा परिषद मुख्य कार्यकारी अधिकाऱ्यांच्या कक्षातील भिंतीवरून हिंदवी स्वराज्याचे संस्थापक राजे शिवाजी महाराज यांचे छायाचित्र काढण्यात आल्याने शिवसैनिकांनी गुरूवारला जिल्हा परिषदेत राडा घातला. हा मुद्दा शुक्रवारच्या स्थायी समितीच्या सभेत कृषी सभापती नरेश डहारे यांनी सुरूवातीला लावून धरत दोषींविरूद्ध कारवाईची मागणी केली. यासोबत लघु पाटबंधारे विभागाचा प्रभार देण्यावरून पदाधिकाऱ्यांनी अधिकाऱ्यांना चांगलेच धारेवर धरले, अशा एकाहून एक विषयांवर आजची स्थायी समितीची सभा चांगलीच वादळी ठरली.जिल्हा परिषद अध्यक्ष भाग्यश्री गिलोरकर यांच्या अध्यक्षतेखाली स्थायी समितीची सभा घेण्यात आली. या सभेत समितीचे पदसिद्ध सचिव तथा उपमुख्य कार्यकारी अधिकारी सुधीर वाळके, प्रभारी मुख्य कार्यकारी अधिकारी जगन्नाथ भोर, कृषी सभापती नरेश डहारे, समाजकल्याण सभापती नीळकंठ टेकाम, अर्थ व बांधकाम सभापती विनायक बुरडे, महिला व बालकल्याण सभापती शुभांगी रहांगडाले, समिती सदस्य धनेंद्र तुरकर, संदीप टाले, सरिता चौरागडे, होमराज कापगते, प्यारेलाल वाघमारे, मनोहर राऊत, रमेश डोंगरे यांच्यासह सर्व विभागप्रमुख व सर्व खंडविकास अधिकारी उपस्थित होते.सभेच्या सुरूवातीला कृषी सभापती डहारे यांनी मुख्य कार्यकारी अधिकारी शरद अहिरे यांच्या कक्षातील शिवाजी महाराजांचे छायाचित्र काढल्यामुळे शिवसैनिकांनी जिल्हा परिषदेत गदारोळ केला. याला अधिकारी दोषी असल्याचा आरोप केला. शिवाजी महाराज हिंदूंचे आराध्यदैवत असून त्यांचा अवमान खपवून घेतला जाणार नाही, असा निर्वाणीचा ईशारा सभागृहात दिला. यावेळी उपमुख्य कार्यकारी अधिकारी सुधीर वाळके यांनी सावरासावर करण्याचा प्रयत्न केला. परंतु डहारे यांनी अधिकाऱ्यांची मुजोरी सहन करणार नसल्याचे खडसावून सांगितले. सभापती शुभांगी रहांगडाले यांनीही वाळके यांना चांगलेच खडेबोल सुनावले. यावर वाळके यांनी, माझी यात चुक नाही, कुणाच्या कक्षात काय चालते, हे मी बघत नाही. प्रत्येक प्रकरणात माझ्यावरच खापर फोडले जाणे, हे बरोबर नाही. मी सामान्य झालो आहे, असे उद्विग्न उद्गार वाळके यांनी काढून या प्रकरणाला बगल देण्याचा प्रयत्न केला. यावर शुभांगी रहांगडाले यांनी, सामान्य प्रशासन विभागाची जबाबदारी तुमच्याकडे असल्यामुळे हा विषय तुमच्याशी निगडीत असल्याचे सांगून वाळके यांना धारेवर धरले.(शहर प्रतिनिधी)गुप्तांकडे प्रभार देण्याचा ठरावलघु पाटबंधारे विभागाचे कार्यकारी अभियंता पी.एस. पराते हे रजेवर गेले आहेत. त्यांचा प्रभार उपविभागीय अभियंता आर.एच. गुप्ता यांना देण्याच्या सुचना पदाधिकाऱ्यांनी सीईओंना दिले होते. मात्र, अधिकाऱ्यांनी बांधकाम विभागाचे अभियंता शेळके यांच्याकडे प्रभार सोपविला होता. अध्यक्ष भाग्यश्री गिलोरकर यांनी सभागृहात येण्यापूर्वी शेळके यांना संबंधीत विभागाच्या कामांचा अभ्यास करून या, असे खडेबोल सुनावले. मार्च महिन्यात देयकांचे कमिशन घेण्यासाठी येणाऱ्या पराते यांना परत पाठविण्याचा ठराव पारीत करावा, अशी मागणी सदस्य संदीप टाले यांनी केली. यावेळी लघु पाटबंधारे विभागाचा प्रभार उपविभागीय अभियंता आर.एच.गुप्ता यांच्याकडे देण्याचा ठराव घेण्यात आला.उपाध्यक्ष, सीईओंची अनुपस्थितीस्थायी समितीच्या सभेला जिल्हा परिषद उपाध्यक्ष राजेश डोंगरे व मुख्य कार्यकारी अधिकारी शरद अहिरे हे उपस्थित नव्हते. डोंगरे हे नागपूरला न्यायालयीन कामांसाठी तर अहिरे हे आयएएसच्या प्रशिक्षणासाठी गेल्याचे सांगण्यात आले. गुरूवारला शिवाजी महाराजांच्या फोटोवरून झालेल्या वादामुळे आजची सभा महत्त्वपूर्ण होती. या सभेला ते उपस्थित नसल्यामुळे चर्चेला वाव मिळाला. याशिवाय शिक्षण विभागातील महत्त्वाच्या विषयावर चर्चा झाली. परंतु शिक्षण विभागाचे प्रमुख अधिकारी २.३० वाजेपर्यंत उपस्थित झाले नाही. जे उपस्थित होते त्यांनी समाधानकारक उत्तर न दिल्यामुळे पदाधिकाऱ्यांनी संताप व्यक्त केला.