भंडारा येथे योगवर्गाला प्रारंभ

भंडारा : "करो योग, रहो निरोग" असा नारा देत अखिल भारतीय योगशिक्षक महासंघ, भंडारा व आयएमए. शाखा भंडारा यांचे संयुक्त विद्यमाने शहरातील डॉक्टरांकरिता योगवर्गाचा आरंभ करण्यात आला. यावेळी महासंघाचे जिल्हा अध्यक्ष ज्ञानेश्वर बोडखे व आयएमए जिल्हा अध्यक्ष डॉ. नितीन तुरसकर यांचे पुढाकाराने हा योगवर्ग सुरू झाला. नियमित योगवर्ग दररोज सकाळी ६.३० ते ७.३० यादरम्यान होणार आहे. सदर योगवर्ग जनतेच्या आरोग्याची काळजी घेणार्‍या कोरोनायोद्ध्यांच्या सुदृढ आरोग्याच्या दृष्टीने आयोजित करण्यात आलेला आहे. योगा प्रात्यक्षिक योगशिक्षक ज्ञानेश्वर बोडखे व योगशिक्षिका वैशाली गिऱ्हेपुंजे यांनी करून दाखविले. संचलन महादेव साटोणे यांनी, तर मेघश्याम झंजाळ यांनी उपस्थितांचे आभार व्यक्त केले. कार्यक्रमाला डॉ. पुष्पा तुरस्कर, डॉ. खुशाल बोरकर, मार्तंड निंबेकर, दामू चौधरी, अस्मिता तुरस्कर, रविशंकर गिरीपुंजे, प्रतिज्ञा टेंभरे, रोशनी बैस, अनिता खेडीकर, घनश्याम लांजेवार आदी उपस्थित होते.