आमगावजवळ अपघातात दोन ठार

ट्रक आणि टिप्पर यांच्यात समोरासमोर टक्कर होऊन झालेल्या अपघातात चालक आणि वाहक जागीच ठार झाले. ही घटना पवनी तालुक्यातील आमगाव रेल्वे फाटकाजवळ सोमवारी पहाटे ५ वाजता घडली.

लोकमत न्यूज नेटवर्कपवनी : ट्रक आणि टिप्पर यांच्यात समोरासमोर टक्कर होऊन झालेल्या अपघातात चालक आणि वाहक जागीच ठार झाले. ही घटना पवनी तालुक्यातील आमगाव रेल्वे फाटकाजवळ सोमवारी पहाटे ५ वाजता घडली.मनोज तिवारी (३०) रा. चांपा जि. नागपूर आणि रवी सदाशिव नेवारे (२७) रा. सेलू जि. वर्धा असे मृताचे नाव आहे. सोमवारी पहाटे ५ वाजताच्या सुमारास टिप्पर क्रमांक एम एच ३६ ए २५५५ नागपूरकडे जात होता. त्याचवेळी निलजकडून पवनीकडे जाणा-या ट्रक क्रमांक एम एच ३६ ए ९८२५ ने आमगाव रेल्वे क्रॉसींगजवळ धडक दिली. त्यात मनोज व रवी गंभीर जखमी होवून जागीच ठार झाले. अपघात एवढा भीषण होता की टिप्परच्या कॅबीनचा पुर्णत: चुराडा झाला होता. पोलिसांनी अपघाताची नोंद घेतली.