५८ हजारांचा गांजा पकडला!

चिखली येथे येणारा गांजा पकडला; दोन आरोपींवर गुन्हा दाखल.

चिखली (जि. बुलडाणा) : शहरात विक्रीसाठी नेण्यात येणारा सुमारे साडेसहा किलो गांजा चिखली पोलिसांनी २३ मार्च रोजी पकडला. या प्रकरणी स्थानिक धनगरपुरामधील दोघांना अटक करण्यात आली असून, जप्त मुद्देमालाची किंमत ५८ हजार ७७0 रुपये आहे. येथील जाफ्राबाद रोडवरील बोंद्रे यांच्या वीटभट्टीजवळील चौकात ठाणेदार विजयसिंग राजपूत यांच्या नेतृत्वात पोउपनी गोकुळ भाई, अशोक चाटे, पोहेकाँ सुनील राऊत, पोना अजय शेगोकार, विजय सोनोने व मपोकॉ अनिता आराख यांना नाकाबंदीदरम्यान हातात पिशव्या घेऊन जाणार्‍या दोघांवर संशय आल्याने त्यांना अडवून झाडाझडती घेतली असता स्थानिक धनगरपुरा येथील प्रकाश राधमन शर्मा (वय ५१) यांच्या पिशवीत सुमारे ३९ हजार ८७0 रुपयांचा ४ किलो ४३0 ग्रॅम गांजा तर अशोक रामधन शर्मा (वय ५६) यांच्या पिशवीत १८ हजार ९00 रुपये किमतीचा २ किलो १00 ग्रॅम गांजा आढळून आल्याने पोलिसांनी दोघांनाही ताब्यात घेऊन सुमारे ५८ हजार ७७0 रुपये किमतीचा ६ किलो ५३0 ग्रॅम गांजा जप्त करून एनडीपीएस अँक्ट अन्वये आरोपी प्रकाश शर्मा व अशोक शर्मा या दोघांवर कारवाई केली आहे.