ठळक मुद्देखेळत असताना बांधकामासाठीच्या पाण्याच्या टाक्यात पडला
लोकमत न्यूज नेटवर्कबुलडाणा : खेळताना घराशेजारील बांधकामासाठीच्या पाण्याच्या टाक्यात पडून एका तीन वर्षीय चिमुकल्याचा मृत्यू झाल्याची घटना शुक्रवारी दुपारी २ वाजताच्या दरम्यान येथील हाजी मलंग बाबा परिसरातील विश्वास नगरात घडली. प्रिन्स अमोल निकाळजे हा चिमुकला अंगणात खेळत होता. खेळता-खेळता अचानक तो घराशेजारील बांधकामाच्या टाक्यात पडला. कुटुंबीयांनी त्याला दवाखान्यात दाखल केले; मात्र डॉक्टरांनी त्याला मृत घोषित केले.