मुलांच्या वादातून हाणामारी; १३ जणांविरुद्ध गुन्हा

खामगाव येथील घटना.

खामगाव: मुलांच्या वादातून दोन कुटुंबांमध्ये हाणामारी झाली. ही घटना शहरानजीकच्या सजनपुरी येथे २ फेब्रुवारी रोजी रात्री १0 वाजताच्या सुमारास घडली. याप्रकरणी शिवाजीनगर पोलिसांनी परस्परविरोधी फिर्यादीवरून १३ जणांविरुद्ध विविध कलमान्वये गुन्हा दाखल केला आहे. याबाबत खैरुन्निसा शे.अजीज यांनी पोलीस ठाण्यात फिर्याद दिली की, सलामखाँ, जावेदखाँ, युसूफखाँ, असलमखाँ, फिरोजखाँ, राजिकाबी यांनी लहान मुलांच्या वादाच्या कारणातून घरावर दगडफेक केली तसेच मुलांना व मला काठीने मारून जखमी केले. या फिर्यादीवरून पोलिसांनी उपरोक्त सहा जणांविरुद्ध भादंविचे कलम १४३, १४७, १४९, ३२४, ३३६, ३३७, ५0४, ५0६ अन्वये गुन्हा दाखल केला, तर असलमखाँ सलामखाँ यांनी दिलेल्या फिर्यादीत शे. अजीज शे.महेमूद, सैयद बाबा अकबर, सैयद अफसर सै. अकबर, शे. मकसूद शे. महमूद, शे. मेहबूब शे. मकसूद, खैरुनिसाबी शे. अजीज व मेहरुन्निसा सै. अकबर यांनी जुन्या वादातून डोक्यात काठी मारून जखमी केले तसेच बहिणीस मारहाण व शिविगाळ करून जीवे मारण्याची धमकी दिली, असे नमूद केले. या आशयाच्या फिर्यादीवरुन उपरोक्त सात जणांविरुद्ध भादंविचे कलम १४३, १४७, १४९, ३२४, ३३६, ३३७, ५0४, ५0६ सह कलम १३५ अन्वये शिवाजीनगर पोलिसांनी गुन्हा दाखल केला. याबाबत अधिक तपास पोलीस उपनिरीक्षक सूळ हे करीत आहेत.