ठळक मुद्देबुलडाणा तालुक्यात सर्वाधिक २४७ चिखलीत निघाले १९२
बुलडाणा: शुक्रवारच्या ९०३ विक्रमी कोरोना बाधीतांच्या संख्येनंतर शनिवारी जिल्ह्यात तब्बल १ हजार १३० जण कोरोना बाधीत निघाले आहेत. त्यामुळे बुलडाणा जिल्ह्यात कोरोनाचे समुह संक्रमणतर सुरू झाले नाही ना, अशी भीती व्यक्त होत आहे.
बुलडाणा जिल्ह्याच्या गेल्या एक वर्षाच्या इतिहासातातील विक्रमी असे कोरोना बाधीत निघाले आहेत. यामध्ये बुलडाणा तालुक्यात २४७, चिखली तालुक्यात १९२, मलकापूर तालुक्यात १३६ आणि जळगाव जामोद तालुक्यात ११४, मेहकर तालुक्यातल १०२, खामगाव तालुक्यात ८४, शेगाव तालुक्यात ३०, देऊळगाव राजा तालुक्यात ३३, नांदुरा तालुक्यात ३६, लोणार तालुक्यात ३८, मोताळा तालुक्यात ६४, सिंदखेड राजा तालुक्यात ५३ कोरोना बाधीत निघाले आहेत. दरम्यान संग्रामपूर तालुक्यात एकही कोरोना बाधीत निघालेला नाही.