खामगाव : घरामध्ये स्वयंपाक करणार्‍या महिलेच्या अंगावर रंग फेकून अज्ञात चोरट्याने दागिने लंपास केल्याची घटना तालुक्यातील पळशी बु. येथे आज १३ जुलै रोजी सकाळी ९ वाजता घडली. या प्रकरणी संगीता नारायण पानझाडे यांनी फिर्याद दिली की घरामध्ये स्वयंपाक करीत असताना अचानक घरामध्ये धुर निघाला व चक्कर आली. त्याच अवस्थेत घराच्या बाहेर आली असता चुलत सासुला माझ्या डोक्यावर लाल रंग उडलेला दिसून आला. यानंतर शुद्धीवर आली असता गळ्य़ातील मंगळसूत्र, रोख १५ हजार रुपये तसेच हातातील चांदीच्या पाटल्या असा एकूण २९ हजाराचा ऐवज अज्ञात चोरट्याने चोरून नेल्याचे लक्षात आले, अशा आशयाची फिर्याद संगीता पानझाडे यांनी खामगाव ग्रामीण पोलिस स्टेशनला दिली. या फिर्यादीवरुन पोलिसांनी अज्ञात चोरट्यांविरुध्द कलम ३८0 भादंविनुसार अज्ञात चोरट्याविरुध्द गुन्हा दाखल केला आहे. विशेष म्हणजे या गावात याआधी एकाच रात्री ९ घरी चोरी झाली होती. पुढील तपास खामगाव ग्रामीण पोलिस स्टेशनचे सहाय्यक पोलिस निरीक्षक निकूंब करीत आहेत.
अंगावर रंग टाकून २९ हजारांचा ऐवज लंपास
By admin | Published: July 13, 2014 11:43 PM