साखरखेर्डा येथे गांजाची विक्री, एकास अटक

साखरखेर्डा येथे गांजाची विक्री होत असल्याची गोपनीय माहिती स्थानिक गुन्हे शाखेला मिळाली होती. त्याच्या आधारावर स्थानिक गुन्हे शाखेच्या पथकाने साखरखेर्डा गाठून लुकमान हकीम शाह या आरोपीस अटक केली. त्याच्याकडून २ हजार १६९ रुपयांचा गांजा आणि नगदी ४ हजार ४६० रुपये आणि एक दुचाकी असा सुमारे २८ हजार रुपयांचा मुद्देमाल जप्त केला. स्थानिक गुन्हे शाखेचे पोलीस निरीक्षक बळीराम गीते यांच्या मार्गदर्शनाखाली मनिष गावंडे, पोलीस हेड कॉन्स्टेबल सुनील खरात, गणेश शेळके, वैभव मगर यांनी ही कारवाई केली. दरम्यान, या प्रकरणाचा तपास आता ठाणेदार जितेंद्र आडोळे यांच्याकडे देण्यात आला आहे. साखरखेर्डा येथे आरोपीने गांजा नेमका कोठून आणला, याचा तपास आता होण्याची गरज आहे. चौकशीत गांजा विक्री करणाऱ्यांचे मोठे रॅकेट उघड होण्याची शक्यता व्यक्त केली जात आहे.