दुचाकी ट्रॅक्टर ट्रॉलीवर आदळून एक ठार, दोन जखमी

या अपघातामध्ये सुनीता विठ्ठल राऊत (४०) या महिलेचा मृत्यू झाला असूनन्जय विठ्ठल राऊत (२१) आणि मेहकर शहरातील पवनसुत नगरमधील सौरभ एकनाथ वाघ (१७) हे दोघे जखमी झाले आहेत. संबंधित तिघेही मेहकर येथील नातेवाईकांना भेटून बुलडाण्याकडे एमएच-२८-एक्यू ३०३४ क्रमांकाच्या दुचाकीद्वारे परत येत होते. दरम्यान, मेहकर-चिखली मार्गावर पिंपळगाव उंडा असताना रोडवर उभ्या असलेल्या ट्रॅक्टर ट्राॅलीवर आदळल्याने एका महिलेचा मृत्यू तर दोन जण जखमी झाल्याची घटना मेहकर चिखली रोडवरील पिंपळगाव उंडा गावानजीक रात्री साडेसात वाजेच्या सुमारास त्यांची दुचाकी रस्त्यावर उभ्या असलेल्या ट्रॅक्टर ट्रॉलीवर (एमए-२८ एजे- ७९२२) आदळली. त्यात सुनीता राऊत यांचा मृत्यू झाला तर अन्य दोघे जखमी झाले आहेत. जखमीवर स्थानिक रुग्णालयात उपचार करण्यात येत आहेत. या अपघाताचा पुढाल तपास साखरखेर्डा पोलिस ठाण्याचे ठाणेदार जितेंद्र आडोळे यांच्या मार्गदर्शनात पोलिस हेडकॉन्स्टेबल दिनेश चव्हाण यांनी घटनास्थळ गाठले होते. वृत्त लिहीपर्यंत पोलिसात या प्रकरणी तक्रार दाखल झाली नव्हती. ट्रॅक्टर ट्रॉली पंक्चर झाल्यामुळे रस्त्यावरच उभी होती.