दुचाकी झाडावर आदळल्याने एक जण जागीच ठार

टूनकी-वरवट बकाल मार्गावर सोमवारी दुचाकी अपघातामध्ये एक जण जागीच ठार झाला.

लोकमत न्यूज नेटवर्कसंग्रामपूर : संग्रामपूर तालुक्यातील टूनकी-वरवट बकाल मार्गावर सोमवारी दुचाकी अपघातामध्ये एक जण जागीच ठार झाला. ही घटना दुपारी तीन वाजेच्या सुमारास घडली. या घटनेत एक जण गंभीर जखमी आहे.पोलिसांनी दिलेल्या माहितीनुसार वरवट बकाल कडून टूनकी कडे जाणारी दूचाकी क्र. जी. जे. १८ एल. ९४४१ रोड लगत असलेल्या एका झाडावर आदळल्याने हा अपघात घडला. यात टूनकी येथील मोहन वानखडे (वय ४१) जागीच ठार झाला असून एक जण गंभीर जखमी आहे. पांडुरंग बोडखे असे दुसऱ्या जखमीचे नाव आहे. त्याच्या हातापायाला गंभीर दुखापत झाली आहे.घटनेची माहिती मिळताच सोनाळा पोलीस स्टेशनचे ठाणेदार अमर चोरे कर्मचाऱ्यांसह तातडीने घटना स्थळी दाखल झाले. पंचनामा करून मृत व्यक्तीचा मृतदेह शवविच्छेदनासाठी वरवट बकाल येथील ग्रामीण रुग्णालयात पाठविण्यात आला.(तालुका प्रतिनिधी)