सामाजिक शास्त्र अभ्यास मंडळाचा ऑनलाईन कार्यक्रम

या कार्यक्रमाचे अध्यक्ष महाविद्यालयाचे प्राचार्य डॉ.सुरेश बाठे हे होते. उद्घाटक म्हणून शकुंतलाबाई धाबेकर होत्या. यावेळी प्रा. डॉ. कैलास गायकवाड, सचिव प्रा. डॉ. अजिंक्य पाटील उपस्थित होते. प्रमुख वक्ते व मार्गदर्शक म्हणून प्रा. डॉ. नागेश गायकवाड, प्रा. डॉ. सुभाष गुजर उपस्थित होते. कार्यक्रमाच्या सुरुवातीला या सर्व मान्यवरांचे इतिहास विभाग प्रमुख डॉ. नंदकिशोर अरुळकर यांनी महाविद्यालयाच्या वतीने ऑनलाइन पद्धतीने स्वागत केले. कार्यकारिणीला वर्षभर कोणकोणते उपक्रम राबवायचे याबाबत मार्गदर्शन केले. या कार्यकारिणीमध्ये महाविद्यालयातील अध्यक्ष शुभम गवई, उपाध्यक्ष योगेश कोपणार, सचिव पायल बेदरकर यांची निवड करण्यात आली. यावेळी शुभम गवई, वैष्णवी चौधरी या विद्यार्थ्यांनी आपले मनोगत व्यक्त केले. संचालन राज्यशास्त्र विभागाचे सहायक प्राध्यापक विलास टाले, तर आभार अर्थशास्त्र विभाग प्रमुख डॉ. आरती खडतकर यांनी मानले.