६0 हजार रुपयांचा ऐवज लंपास

मेहकर येथील शिवाजी नगरातील घटना

मेहकर : स्थानिक शिवाजी नगरातील एका घरातून अज्ञात चोरट्यांनी ५९ हजार ५00 रुपयांचा ऐवज लंपास केल्याची घटना १७ जुलैच्या रात्रीदरम्यान घडली.यासंदर्भात सविस्तर वृत्त असे की, येथील राजेश लक्ष्मण मुलचंदाणी हे व त्यांची आई घरात झोपलेले असतांना अज्ञात चोरट्यांनी गेटचे कुलूप तोडून घरात प्रवेश केला. व चोरट्यांनी घरातील सोन्याच्या बांगड्या, सोन्याचा महाराणी देव्हारा, गळ्यातील चैन, कानातील दागिणे व नगदी ३ हजार ५00 रुपये असा एकूण ५९ हजार ५00 रुपयांचा ऐवज लंपास केला आहे. यासंदर्भात मेहकर पोलीस स्टेशनला राजेश मुलचंदाणी यांनी फिर्याद दिली. त्यावरुन पोलीसांनी अज्ञात चोरट्यांविरुद्ध ४५७, ३८0 भादंविनुसार गुन्हा दाखल केला आहे. गेल्या काही दिवसांपासुन मेहकर परिसरात चोर्‍यांचे प्रमाण वाढत असल्याने नागरीकांमध्ये भिती व्यक्त होत आहे.