अमडापूर हद्दीत दोन आत्महत्या

दोन युवकांनी संपवली जीवनयात्रा; कारण अज्ञात.

अमडापूर (बुलडाणा): अमडापूर पोलीस स्टेशन हद्दीत येणार्‍या किन्ही सवडत व करणखेड या दोन गावांमध्ये दोघांनी गळफास घेऊन आत्महत्या केली. या घटना ११ व १२ मार्च रोजी उघडकीस आल्या. पहिल्या घटनेत किन्हीसवडत येथील अर्जुन नारायण शिंदे (३५) याने ११ मार्च रोजी सकाळी शेतातील झाडाला गळफा घेऊन आत्महत्या केली. तर दुसर्‍या घटनेत स्वत:च्या घरात गळफास घेऊन गजानन नारायण शेळके (३५) या युवकाने आत्महत्या केल्याची घटना १२ मार्च रोजी करणखेड येथे घडली. या दोन्ही प्रकरणात अमडापूर पोलिसात आकस्मिक मृत्यूची नोंद करण्यात आली आहे.