साखरखेर्डा प्राथमिक आरोग्य केंद्रात आज लसीकरण

शासनाच्या वतीने दरवर्षी पोलिओ डोज पाजण्यासाठी विषेश मोहीम राबविण्यात येत असून ३१ जानेवारीला संपूर्ण देशात ही मोहीम राबविण्यात येत आहे. साखरखेर्डा प्राथमिक आरोग्य केंद्रांतर्गत येत असलेल्या साखरखेर्डा , शिंदी , राताळी , मोहाडी , सवडद , गुंज , वरोडी , शेवगा जहागीर , सावंगी भगत , गोरेगाव , उमनगाव , पांग्रीकाटे , सायाळा , लिंगा , बाळसमुंद्र , राजेगाव , जागदरी , जनुना , तांडा , शेंदुर्जन , पिंपळगाव सोनारा , तांदूळवाडी या ठिकाणी ४१ बुथ स्थापन करण्यात आले आहेत . सकाळी ७ ते सायंकाळी ६ वाजेपर्यंत ० ते ५ वयोगटातील मुलांना पोलिओचा डोज दिल्या जाणार आहे . यासाठी उपकेंद्रावरील सर्व वैद्यकीय अधिकारी, आरोग्य अधिकारी, अंगणवाडी सेविका , आशा सेविका , अंगणवाडी मदतनीस यांची नियुक्ती करण्यात आली आहे . साखरखेर्डा आणि शेंदुर्जन येथील बसस्थानकावर बुथ राहणार असून एक मोबाईल किम कार्यरत ठेवण्यात आली आहे . प्रत्येक मातांनी आपल्या पाल्याला पोलिओचा डोज पाजण्यासाठी बूथवर आणावे असे आवाहन वैद्यकीय अधिकारी डॉ. संदीप सुरुशे यांनी केले आहे .