१५ कोविड पॉझिटिव्ह आढळले

बाधित आलेल्या १५ रुग्णांमध्ये चंद्रपूर तालुका १, बल्लारपूर ३, भद्रावती ३, राजूरा ३, सिंदेवाही १ व वरोरा तालुक्यातील चौघांचा समावेश आहे. चंद्रपूर महानगर पालिका क्षेत्रातील 0, ब्रम्हपुरी 0, नागभीड, मूल, सावली, पोंभूर्णा, गोंडपिपरी, चिमूर, कोरपना, जिवती व इतर ठिकाणी एकही रूग्ण आढळला नाही. जिल्ह्यात बाधितांची संख्या ८८ हजार ५७४ वर पोहोचली आहे. सुरूवातीपासून बरे झालेल्यांची संख्या ८६ हजार ९६० झाली आहे. सध्या ७७ बाधितांवर उपचार सुरू आहेत. ६ लाख ४५ हजार ७१२ नमुन्यांची तपासणी करण्यात आली. त्यापैकी ५ लाख ५५ हजार३०६ नमुने निगेटिव्ह आले आहेत. जिल्ह्यात आतापर्यंत १५३७ बाधितांचे मृत्यू झाले आहे. कोरोना पूर्णपणे संपला या मानसिकतेतून बाहेर यावे, त्रिसूत्रीचा नियमित वापर करावा, स्वत:ची काळजी घ्यावी, पात्र सर्व नागरिकांनी कोरोनाची लस घ्यावी, असे आवाहन जिल्हाधिकारी अजय गुल्हाने यांनी केले आहे.