दहावीचा भूगोलाचा पेपर न घेता सरासरी गुण देण्यात यावे

लॉकडाउनमुळे इयत्ता दहावीचा भूगोल विषयाचा जो पेपर राहिला आहे, तो न घेता विद्यार्थ्यांना सरासरी गुण देण्यात यावे, अशी मागणी माजी अर्थमंत्री आ. सुधीर मुनगंटीवार यांनी शालेय शिक्षण मंत्री प्रा. वर्षा गायकवाड यांच्याकड़े केली आहे.

ठळक मुद्देसुधीर मुनगंटीवार यांची मागणी

लोकमत न्यूज नेटवर्कचंद्रपूर : कोरोना विषाणुच्या वाढत्या प्रादुर्भावाच्या पार्श्वभूमीवर सुरु असलेल्या लॉकडाउनमुळे इयत्ता दहावीचा भूगोल विषयाचा जो पेपर राहिला आहे, तो न घेता विद्यार्थ्यांना सरासरी गुण देण्यात यावे, अशी मागणी माजी अर्थमंत्री आ. सुधीर मुनगंटीवार यांनी शालेय शिक्षण मंत्री प्रा. वर्षा गायकवाड यांच्याकड़े केली आहे. सदर प्रकरणी येत्या चार दिवसात सकारात्मक निर्णय घेण्यात येईल, असे आश्वासन ना. वर्षा गायकवाड यांनी दिले आहे.दहावीचा भुगोलाचा पेपर २१ मार्च २०२० रोजी घेण्यात येणार होता, मात्र कोरोना विषाणुच्या वाढत्या प्रादुर्भावामुळे हा पेपर रद्द करण्यात आला. आता तर लॉकडाऊनमुळे व कोरोनाग्रस्तांच्या वाढत्या संख्येमुळे हा पेपर सध्या घेणे शक्यसुद्धा नाही. विद्यार्थ्यांचे शैक्षणिक नुकसान होवू नये, या दृष्टीकोनातून हा पेपर रद्द करून सरासरी गुण देण्यात यावे, अशी भूमिका आ . मुनगंटीवार यांनी प्रा. वर्षा गायकवाड यांच्याशी दूरध्वनीद्वारे झालेल्या चर्चेदरम्यान केली. या मागणीच्या अनुषंगाने सकारात्मक कार्यवाही करण्याचे आश्वासन प्रा. वर्षा गायकवाड यांनी दिले.