शहरं
Join us  
Trending Stories
1
Maharashtra Vidhan Sabha Election 2024 : "मी शरद पवारांना सोडलं नाही, सगळ्या आमदारांना..." अजित पवारांचं बारामतीत मोठं विधान
2
इंग्रजांप्रमाणेच जातीजातीत भांडणे लावण्याचे कॉंग्रेसचे धोरण; योगी आदित्यनाथ यांचा हल्लाबोल
3
राज ठाकरेंची खाट टाकून त्यांची राजकीय अंत्ययात्रा काढू; संजय राऊतांची जहरी टीका
4
काँग्रेस म्हणजे लबाडाचं आवताण, शेतकऱ्यांना खोटं सांगतंय; देवेंद्र फडणवीसांची टीका
5
Maharashtra Vidhan Sabha Election 2024 : पारनेरमध्ये मोठी घडामोड, निलेश लंकेंच्या कट्टर विरोधकाचा अजित पवार गटाच्या उमेदवाराला पाठिंबा
6
दोन ठिकाणी मतदान कार्ड; तुरुंगवास होऊ शकतो मतदारराजा!
7
साप्ताहिक राशीभविष्य: ५ राशींना उत्तम, धनलाभ-पदोन्नती योग; सुख-समृद्धी, शुभ लाभदायी काळ!
8
दिल्लीत मोठ्या राजकीय घडामोडी, भाजपचे नेते अनिल झा 'आप'मध्ये सामील
9
उद्धव ठाकरे यांनी केलेल्या त्या टीकेमुळे शंभुराज देसाई संतप्त, दिलं असं प्रत्युत्तर, म्हणाले...
10
"शरद पवारांना हिंदूंबद्दल बोलण्याची भीती वाटते?", व्होट जिहादवरुन किरीट सोमय्या संतापले
11
Virat Kohli Glenn McGrath, IND vs AUS 1st Test: विराट कोहलीवर दबाव कसा आणायचा? 'द ग्रेट' ग्लेन मॅकग्राने ऑस्ट्रेलियन गोलंदाजांना दिला 'कानमंत्र'
12
नात्याला काळीमा! ७ महिन्यांच्या गरोदर महिलेची सासरच्यांनी केली हत्या, २५ तुकडे अन्...
13
नाकाबंदीत थरार! नागपुरात कारचालकाने पोलीस अधिकाऱ्याला फरफटत नेले; सेंट्रल एव्हेन्यूवरील घटना
14
मुसलमान पुरोगामी, त्यांनी उद्धव ठाकरेंची ही जागा वाचवली; अबु आझमींचा भाजपावर हल्लाबोल
15
Mumbaikar Cricketer Jemimah Rodrigues, WBBL 10: मुंबईकर पोरीने ऑस्ट्रेलियामध्ये केला मोठा धमाका! गोलंदाजांची धुलाई करत फिरवला सामना
16
PM मोदींच्या शिरपेचात आणखी एक मानाचा तुरा; नायजेरियाने केला सर्वोच्च पुरस्काराने सन्मान
17
श्रीदेवीसोबत कसं होतं नातं? माधुरी दीक्षितचा खुलासा; म्हणाली, "आम्ही कधीच एकत्र..."
18
"माझा मुलगा ॲनिमलमधील रणबीरसारखा", अल्लू अर्जुनचं लेकाबाबत वक्तव्य, म्हणाला- "जर मी त्याच्या आईबरोबर..."
19
'आप'ला मोठा धक्का, मंत्री कैलाश गेहलोत यांनी दिला पदाचा राजीनामा, पक्षालाही ठोकला रामराम 
20
भारताकडून हायपरसॉनिक क्षेपणास्त्राची यशस्वी चाचणी, मोजक्या देशांच्या यादीत मिळवलं स्थान

सैनिकी शाळेने दिला चंद्रपूरला देशात गौरव

By लोकमत न्यूज नेटवर्क | Published: September 21, 2019 6:00 AM

६ व्या वर्गाची पहिली तुकडी जून २०१९ पासून दाखल झाली आहे. भारतातील सर्वोत्तम सैनिकी शाळा म्हणून ही शाळा नावारुपास येईल, असा विश्वास खुद्द लेफ्टनंट जनरल राजेंद्र निभोरकर यांनी व्यक्त केला आहे. आणि त्यांचा हा विश्वास अल्पावधीतच पूर्ण होईल, असा जिल्हावासीयांना विश्वास आहे.

ठळक मुद्देसुधीर मुनगंटीवारांच्या संकल्पनेला मूर्त रुप : तीन महिन्यांपासून देशाचे भावी सैैनिक घडविणे सुरू

लोकमत न्यूज नेटवर्कचंद्रपूर : पालकमंत्री सुधीर मुनगंटीवार यांचा महत्वाकांक्षी प्रकल्प म्हणजे चंद्रपूरची सैनिकीशाळा. या शाळेने चंद्रपूर जिल्ह्याला देशात गौरव मिळवून दिला आहे. संपूर्ण देशभरात २६ सैनिकी शाळा आहेत. यापैकी अतिशय उत्तम अशी वास्तू चंद्रपूरमध्ये पूर्ण झाली आहे. ६ व्या वर्गाची पहिली तुकडी जून २०१९ पासून दाखल झाली आहे. भारतातील सर्वोत्तम सैनिकी शाळा म्हणून ही शाळा नावारुपास येईल, असा विश्वास खुद्द लेफ्टनंट जनरल राजेंद्र निभोरकर यांनी व्यक्त केला आहे. आणि त्यांचा हा विश्वास अल्पावधीतच पूर्ण होईल, असा जिल्हावासीयांना विश्वास आहे.राज्याचे अर्थ, नियोजन व वनमंत्री सुधीर मुनगंटीवार यांच्या पुढे लेफ्टनंट जनरल राजेंद्र निंभोळकर यांनी सैनिकी स्कूलचा प्रस्ताव मांडला. ही सैनिकी शाळा वर्धा जिल्ह्यात व्हावी, अशी निंभोळकर यांची इच्छा होती. ना. सुधीर मुनगंटीवार यांना हा प्रस्ताव आवडला.ही सैनिकी शाळा चंद्रपूरला व्हावी व त्याचा सर्व विदर्भवासीयांना फायदा व्हावा, अशी इच्छा मुनगंटीवारांनी दर्शविली. आणि देशातील अत्याधुनिक सैनिकी शाळा चंद्रपुरात उभारण्याच्या वाटचालीला प्रारंभ झाला. चंद्रपूर व बल्लारपूर रस्त्यावरील भिवकुंड जवळील १२३ एकरांमधील सैनिकी शाळेची वास्तू पूर्णत्वास आली आहे. ना. मुनगंटीवार यांच्या प्रयत्नातून केवळ चंद्रपूर नव्हे महाराष्टÑात सैनिकी शिक्षणाचे आणखी एक दालन उघडले गेले आहे. २० जूनपासून या ठिकाणी देशाचे भावी सैनिक घडविणे सुरूही झाले आहे. सैनिकी स्कूलचे प्राचार्य स्क्वाड्रन लीडर नरेश कुमार यांच्या मार्गदर्शनात हे विद्यार्थी सैनिकीचे धडे घेत आहेत. संपूर्ण शाळेवर त्यांचे असलेले नियंत्रण वाखाणण्यासारखे आहे.ही आहेत वैशिष्ट्येया सैनिकी शाळेमध्ये भारतातील अद्यायवत असे सैनिकी संग्रहालयदेखील आहे. विशाखापट्टणम, अमृतसर, महू या ठिकाणी असलेल्या सैनिकी संग्रहालयापेक्षा अधिक उत्तम हे संग्रहालय आहे. ताडोबाच्या पर्यटकांना सैनिकी शाळेच्या दर्शनी भागांमध्ये भेट देण्याची व्यवस्था करण्यात आली आहे. निरीक्षण कक्षातून या संपूर्ण शाळेचे कॅम्पस बघता येते. देशासाठी सर्वोच्च बलिदान देणाऱ्या शहीद विरांच्या इतिहासाला दर्शविण्यासाठी पुतळेदेखील उभारण्यात आले आहेत. सभागृहामध्ये कारगिल युद्ध, भारताचे राष्टÑपती एपीजे अब्दुल कलाम यांचे जीवनचरित्र व नौदलाच्या थरारक प्रात्यक्षिकाचे थ्री डायमेन्शन माहितीपट दाखविण्यात येणार आहे. रणगाडे, विमान, हेलिकॉप्टर या सर्व लढाऊ वस्तू या ठिकाणी दर्शनी ठेवण्यात आल्या आहेत. सैनिकी शाळेच्या कॅम्पसची दर्शनी भिंत ही चंद्रपूरच्या किल्ल्याप्रमाणे आहे. मैदान हे आॅलिम्पिक दर्जाचे आहे. एक हजार क्षमतेचे प्रेक्षागृह, आधुनिक स्विमिंग टँकपासून तर सर्व सुविधा या भारतीय सैन्यदलाच्या मानांकनाप्रमाणे असणार आहेत.सर्व सोयीयुक्त अत्याधुनिक व्यवस्थाविद्यार्थ्याना शारीरिक, मानसिक आणि बौध्दिक सक्षम बनविणारे सारे साधनं या शाळेत आहेत. अभ्यासिका व मार्गदर्शक आहेत. घोडेस्वारी, तिरंदाजी, दौड, फुटबॉल, व्हॉलीबॉल, जलतरण इत्यादी क्रीडा प्रकाराकरिता मैदान आहेत. बौध्दिक मेजवानी घेण्याकरिता विविध प्रकारच्या साहित्याने परिपूर्ण वाचनालय, एकाच वेळेला ८०० विद्यार्थी बसून भोजन करू शकतील, असे भोजनालय, एक हजार बैठक क्षमतेचे सांस्कृतिक भवन, १९० विद्यार्थ्यांकरिता निवास असे सोयीयुक्त अत्याधुनिक व्यवस्थेचे हे सैनिकी शिक्षा केंद्र आहे. कारगिल युध्दाचे प्रत्यख अनुभव घेता यावे, याकरिता तसे मोठे दालन, चंद्रपूर - बल्लारपूर सडक मार्गाच्या दिशेन उंच मनोरा उभा करण्यात आला आहे. त्यावरून चहुबाजूची वनश्री सडके पलिकडील विसापूर, बॉटीनिकल गार्डन बघता येईल.