धानाचे चुकारे अडल्याने शेतकऱ्यांची अर्थकोंडी

केंद्र सरकार व राज्यातील हमीभावावर ५०० रुपये बोनस देण्याचे मान्य करून शासनाने मार्केटिंग फेडरेशनमार्फत धान खरेदी करण्यात आली. २० दिवसांत रोहिणी नक्षत्र लागणार असून, धानाचा खरीप हंगाम सुरू होईल. कोरोना व लॉकडाऊनमुळे शेतकरी त्रस्त आहे. या हंगामासाठी बियाणे, खते, कीटकनाशके खरेदी करावी लागणार आहेत; पण धानाचे चुकारे व बोनस शासनाने अद्याप दिले नाही. शासनाने मार्केटिंग फेडरेशनमार्फत केलेल्या धान खरेदीचे चुकारे तातडीने देण्याची मागणी शेतकरी संघटनेचे नेते व माजी आमदार वामनराव चटप, प्रभाकर दिवे, अरुण नवले, राजेंद्रसिंह ठाकूर, अरुण मुनघाटे, आदींनी राज्याचे पणन मंत्री बाळासाहेब पाटील, पणन संचालक व पणन सचिवांकडे केली आहे. चुकारे देण्यास विलंब झाल्यास शेतकरी सावकारांच्या दारी जाण्याचा धोकाही लक्षात आणून दिला आहे.