पालकमंत्री पाच दिवस जिल्ह्यात, भरगच्च कार्यक्रम

पालकमंत्री सुधीर मुनगंटीवार हे दि. १६ ते २१ जानेवारीपर्यंत जिल्ह्याच्या दौऱ्यावर येत आहेत. दरम्यान भरगच्च कार्यक्रम आहेत.

लोकमत न्यूज नेटवर्कचंद्रपूर : पालकमंत्री सुधीर मुनगंटीवार हे दि. १६ ते २१ जानेवारीपर्यंत जिल्ह्याच्या दौऱ्यावर येत आहेत. दरम्यान भरगच्च कार्यक्रम आहेत.बुधवारी सकाळी ७.३० वाजता चंद्रपुरात आगमन होईल. सकाळी ११ वाजता चांदा क्लब ग्राऊंड येथे मिशन सेवा कार्यक्रमाला मार्गदर्शन करतील. शुक्रवारी सकाळी १० वाजता नियोजन भवनात विविध विकास कामांचा आढावा घेतली. शनिवारी सकाळी ७ वाजता नागपूरकडे प्रयाण करतील. दुपारी १ ते ४ वाजेपर्यंत विभागीय आयुक्त कार्यालय, नागपूर येथे जिल्हा नियोजन सन २०१८-१९ या वार्षिक योजनेच्या आढावा बैठकीस उपस्थित राहून सायंकाळी चंद्रपुरात परत येतील. सायंकाळी ६ वाजता प्रियदर्शिनी सभागृहात महाराष्ट्र कामगार कल्याण कार्यक्रमात मार्गदर्शन करतील. रविवारी सकाळी ११ वाजता मेरू शिंपी समाजातर्फे आयोजित कार्यक्रमास उपस्थित राहतील. दुपारी १ वाजता नागपूरकडे प्रयाण करतील. सायंकाळी ६ वाजता नागपूर येथून चंद्रपुरात आगमण होईल. रात्री ८ वाजता आर्य वैश्य समाजाच्या कार्यक्रमाला उपस्थित राहतील. २१ जानेवारी रोजी सकाळी १०.३० वाजता स्टुडंट फोर्म ग्रुपने आयोजित केलेल्या महात्मा फुले शिष्यवृत्ती स्पर्धा परीक्षा कार्यक्रमाला उपस्थित राहतील. त्यानंतर कोरपना येथून दुपारी १२.१५ वाजता अमरावतीकडे प्रयाण करणार आहेत.