चंद्रपूर : स्पर्धात्मक व शैक्षणिक क्षेत्रात गुणवंत ठरणाऱ्या मुलांना शिक्षणाकरिता व वाटचालींकरिता प्रोत्साहन मिळावे, यासाठी रिपब्लिकन स्टुडंन्ट फेडरेशनतर्फे बॅरिस्टर राजाभाऊ खोब्रागडे भवन येथे सत्कार करण्यात आला. यामध्ये निखिल मंगलदास जीवने एसएसए ईपीएफओ औरंगाबाद, प्रारब्ध निमगडे पीओ कॅनरा बॅंक, प्रणाली जवादे बीई पदवी परीक्षेत विद्यापीठातून प्रथम आल्याबद्दल तसेच लुंबिनी गणवीर हे टीआयएसएस मुंबई मधून प्रथम श्रेणीत पास झाल्याबद्दल सन्मानित करण्यात आले. अध्यक्षस्थानी रिपब्लिकन स्टुडंट फेडरेशनचे राष्ट्रीय अध्यक्ष राजस प्रवीण खोबरागडे तर प्रमुख अतिथी म्हणून ज्युबिली हायस्कूल चंद्रपूरचे मुख्याध्यापक मोरेश्वर बारसागडे, रिपब्लिकन टाइम्सचे संपादक करण मेश्राम, कर्णिकचे उपप्रबंधक विनोद शेंडे, समता सैनिक दलचे अशोक टेंभरे आदी उपस्थित होते. प्रास्ताविक रिपब्लिकन स्टुडंट फेडरेशनचे शहर अध्यक्ष संघपाल सरकटे, संचालन जानवी चांदेकर तर आभार माजी शहर अध्यक्ष अभिजित तोतडे यांनी मानले. यशस्वीतेसाठी हर्षल खोबरागडे, सेजल घायवन, रंजिता गाजरे, संघम शेलकर, अमोल शेंडे, सुमित दुबे, यश उमरे, सक्षम पथरडे, श्रावस्ती तावाडे, सुरभी मोडक, रंजीत ऊके आदी उपस्थित होते.
रिपब्लिकन स्टुडंट फेडरेशनतर्फे गुणवंतांचा सत्कार
By लोकमत न्यूज नेटवर्क | Published: August 21, 2021 4:32 AM