मूल : होऊ घातलेल्या जिल्हा परिषद,पंचायत समिती तथा नगरपरिषद निवडणुकांचे लक्ष्य समोर ठेवून मूल तालुका शिवसेना व युवासेनेची कार्यकारिणी घोषित करण्यात आली.
चंद्रपूर जिल्हा संपर्कप्रमुख प्रशांत कदम, शिवसेना जिल्हाप्रमुख संदीप गिऱ्हे तथा युवासेना जिल्हाप्रमुख प्रा. निलेश बेलखेडे यांनी मूल शिवसेना तालुकाप्रमुख नितीन येरोजवार यांच्या शिफारशीनुसार मूल तालुक्यातील पदाधिकाऱ्यांना चंद्रपूर येथे एन. डी हाॅटेल येथे एका विशेष कार्यक्रमात नियुक्ती पत्र देण्यात आले. मूल शहर प्रमुखपदी राहुल रामदास महाजनवार, शहर समन्वयक अरविंद करपे, तालुका समन्वयकपदी सुशीचे सरपंच अनिल सोनुले, उपतालुका प्रमुख रवी शेरकी, उपतालुका प्रमुख सागर देऊरवार, उपतालुका प्रमुख सत्यनारायण अमरूदिवार, तसेच युवा सेना तालुकाप्रमुखपदी संदीप सुरेश निकुरे, युवा सेना शहर प्रमुख निखिल भोयर, तालुका समन्वयक म्हणून विनोद काळबांधे, शहर सरचिटणीस शिन्नू कन्नूरवार यांची नियुक्ती करण्यात आली आहे.