विसापूर : संत रविदास महाराज यांची ६४४ वी जयंती संत रविदास समाज मंदिर, विसापूर येथे संत रविदास बहुउद्देशीय सेवा मंडळ व संत रविदास जयंती कृती समिती यांच्या संयुक्त विद्यमाने साजरी करण्यात आली.
या जयंती कार्यक्रमाची सुरुवात सकाळी ५ वाजता स्वच्छतेचा संदेश देत ग्राम स्वच्छतेद्वारा करण्यात आली. त्यानंतर महाराजांच्या प्रतिमेला वंदन करताना मंडळाचे अध्यक्ष नवानंद खंडाळे व नवनिर्वाचित ग्रामपंचायत सदस्य व जयंती कृती समितीचे सचिव संदीप काकडे यांनी पुष्पहार अर्पण केला.
विसापूर येथील नवनिर्वाचित सरपंच वर्षा कुळमेथे व उपसरपंच अनकेश्वर मेश्राम यांच्यासह सर्व ग्रामपंचायत सदस्य या कार्यक्रमाला उपस्थित होते. कोरोनाच्या पार्श्वभूमीवर निवडक समाजबांधवांच्या उपस्थितीत गावातील महापुरुषांच्या पुतळ्यांना पुष्पहार अर्पण करण्यात आले. तसेच गावातील तेली समाजबांधव, वरटी/परिट/धोबी सेवा मंडळ, भारतीय बौद्ध महासभा, भीमशक्ती युवा संघटन व छत्रपती सामाजिक विकास मंडळ यांनी संत रविदास महाराजांच्या प्रतिमेला पुष्पहार अर्पण करून अभिवादन केले. यावेळी मंडळाचे सचिव सुभाष भटवलकर, कोषाध्यक्ष मारुती दुबे, कृती समितीचे अध्यक्ष मोतीश वादेकर, कोषाध्यक्ष विशाल बच्चाशंकर, रवी मुळे, सुधाकर भटवलकर, पिंटू वाढई आदी उपस्थित होते.