टोल नाक्याच्या केबीनवर ट्रक धडकला

कोळसा घेऊन चंद्रपूरकडे जाणाऱ्या ट्रकने पांढरकवडा टोल नाक्यावरील टोल वसुली केबीनलाच उडविले.

घुग्घुस : कोळसा घेऊन चंद्रपूरकडे जाणाऱ्या ट्रकने पांढरकवडा टोल नाक्यावरील टोल वसुली केबीनलाच उडविले. सुदैवाने कॅबीनमधील कर्मचारी बचावला. मात्र संगणक, कॅबिनच्या काचा फुटल्या. यात निलेश मालेकर हा कर्मचारी किरकोळ जखमी झाला. घुग्घुस - चंद्रपूर रस्त्यावरील पांढरकवडा टोल नाक्यावर कोळसा भरलेल्या ट्रक (क्र. एमएच ४० एन ३१८८) आला. येताच ट्रकने वसुली कॅबीनला धडक दिली. यात कॅबीनच्या काचा व आतील संगणक व अन्य साहित्याची तुटफुट झाली. विशेष म्हणजे, मागील तीन महिन्यात तीन वेळा हे कॅबीन वाहनाच्या धडकेत फुटले आहे. त्यामुळे येथील कर्मचारी आपल्या सुरक्षितेबाबत चिंता व्यक्त करीत आहे. सदर नाक्यावर जीप, कार व ट्रक आणि मल्टी वाहनांसाठी टोल वसूल केला जातो.