चंद्रपूर : येत्या काळातील निवडणुका बघता, पक्षाच्या संघटनात्मक बांधणीसाठी प्रयत्न करण्याचे आवाहन युवक काँग्रेस प्रदेश महासचिव शिवानी वडेट्टीवार यांनी केले.
देशाचे माजी पंतप्रधान भारतरत्न राजीव गांधी यांच्या जयंतीनिमित्त शासकीय विश्रामगृह येथे युवक काँग्रेसची आढावा बैठक पार पडली. यावेळी त्या अध्यक्षस्थानावरून बोलत होत्या.
यावेळी काँग्रेस जिल्हाध्यक्ष प्रकाश देवतळे, शहर अध्यक्ष रामू तिवारी, माजी अध्यक्ष नंदू नागरकर, युवक काँग्रेस जिल्हाध्यक्ष हरिश कोत्तावार आदी उपस्थित होते. आढावा बैठकीत प्रितम पाटणकर यांची बल्लारपूर विधानसभा सचिवपदी तर महेश ऋषी मंडलवार यांची सिंदेवाही तालुका उपाध्यक्षपदी नेमणूक करण्यात आली. बैठकीनंतर घुग्घुस शहर युवक काँग्रेसच्यावतीने शिवानी वडेट्टीवार यांच्या हस्ते अनाथ आश्रम येथे अन्नधान्य साहित्य तर रहमत नगर येथे ज्येष्ठ व अपंग व्यक्तींना तीन चाकी सायकल व मुलांना पुस्तकांचे वितरण करण्यात आले.
यावेळी प्रदेश सचिव सचिन कत्याल, विधानसभा अध्यक्ष राजेश अडूर, स्वप्निल कावळे ब्रम्हपुरी, संदीप कावरे चिमूर, जिल्हा महासचिव हाजी इमरान खान, अजय चिन्नुरवार, सुमेध चंदनखेडे, अक्षय मिस्त्री, फैजा़न शेख, घुग्घुस शहर अध्यक्ष तौफिक शेख, तालुका अध्यक्ष पवन निलमवार मूल, प्रशांत ढवले चिमूर, कैलाश मोगरे, आतिफ रजा़, प्रकाश देशभ्रतार, संतोष नेरवाटला, व्यंकटेश कलवल, अजित कोत्तावार, प्रवीण वडलुरी, राजकुमार येदुल्ला, नागराज आदी उपस्थित होते.