ट्रकमधील लाकडे पडून दोनजण जखमी

कोरोनाचा प्रसार रोखण्यासाठी या भागात संचारबंदी लागू आहे. यामुळे रहदारी बंद असल्याने मोठा अनर्थ टळला. ट्रक (एमएच ३४ बिओ ९१८८)आल्लापल्लीवरून इमारती अवजड लाकडे भरून बल्लारशाहकडे जात होता. ओव्हरलोड असल्याने लांबच्या प्रवासात बांधलेला रस्सी सैल होत जाऊन मागील पल्यावर भार पडून तो पल्ला तुटला. यामुळे ट्रकमधील लाकडे रस्त्यावर अस्ताव्यस्त पसरली. यात दोनजण जखमी झाले. जखमींची नावे कळू शकली नाही. मात्र, दोघेही चंद्रपूर येथील रहिवासी असल्याचे समजते. वाहनचालक महेंद्र अशोक भैसारे यांच्यावर गुन्हा नोंदविण्यात आला असून, जखमींना तातडीने चंद्रपूरकडे हलविण्यात आले. घटनेची माहिती मिळताच ठाणेदार तुषार चव्हाण, वाहतूक पोलीस श्रीनिवास जाधव, अमलेश डोंगरवार, प्रवीण कडुकर, निखाडे, गुरुनुले घटनास्थळी दाखल झाले. तत्काळ जेसीबी पाचारण करून लाकडे उचलण्यात आली.