पळसगाव (पि) : तीन चाकी ऑटोला स्कॉर्पिओ गाडीने ओव्हरटेक करताना अचानक दोघांची एकमेकांना धडक बसून दोघे गंभीर जखमी झाले. ही घटना नेरी - चिमूर रोडवर २६ फेब्रुवारीला दुपारी ११ वाजता घडली.
नेरी - चिमूर रोडने वाहतुक मोठ्या प्रमाणात चालत असते. आणि त्यातच या रोडचे रूंदीकरणाचे कामसुध्दा चालू आहे. चिमुरला जात असलेल्या प्रवाशांनी भरलेल्या तीन चाकी ऑटोला स्कॉर्पिओ गाडी क्रमांक एम.एच. - ३१ ,डीके .-५२४९ या वाहनाने ओव्हरटेक करीत असताना दोन्ही वाहने एकमेकांना घासत गेली. यात इब्राहीम शेख (५५) व विनायक वैरागडे हे गंभीर जखमी झाले आहेत. जखमींना उपचारासाठी उपजिल्हा रूग्णालय चिमुर येथे दाखल करण्यात आले.