दोन टिप्परची धडक, एक ठार

गिट्टी आणि रेतीची वाहतूक करणारे दोन टिप्पर एकमेकांवर भिडल्याने झालेल्या अपघातात एक जागीच ठार तर दोन जण गंभीर जखमी झाले.

दोन जखमी : नवेगाव पांडव फाट्यावरील घटनानागभीड : गिट्टी आणि रेतीची वाहतूक करणारे दोन टिप्पर एकमेकांवर भिडल्याने झालेल्या अपघातात एक जागीच ठार तर दोन जण गंभीर जखमी झाले. ही घटना नवेगाव पांडव फाट्यावर सोमवारी रात्री ९ च्या दरम्यान घडली.अबुल अंसारी नसिमुद्दीन अंसारी असे मृताचे नाव आहे. तर इब्राहीम जमाउद्दीन अंसारी (१७) मुहवा खेर (झारखंड) व चंदन गुरुचरण महतो (२९) रा. नागपूर अशी जखमींची नावे आहेत. गिट्टी भरलेला टिप्पर ब्रह्मपुरीकडे जात होता तर रेती भरलेला टिप्पर नागपूरकडे जात होता. या दोन्ही टिप्परची नवेगाव पांडव फाट्यावर एकमेकांसमोर जोरदार धडक झाली. यात एकाचा जागीच मृत्यू झाला.जखमींना येथील ग्रामीण रुग्णालयात हलविण्यात आले. प्राथमिक उपचारानंतर त्यांना नागपूरला हलविण्यात आले. अपघातानंतर दोन्ही बाजूची वाहतूक विस्कळीत झाली होती. धडक इतकी जबरदस्त होती की या धडकेत दोन्ही वाहणे चक्कनाचुर झाली. माहिती मिळताच ठाणेदार बी. डी. मडावी यांनी घटनास्थळ गाठले व जखमींना रुग्णालयात हलवून वाहतूक नियंत्रीत केली. (तालुका प्रतिनिधी)