हे शिबिर जिल्हा परिषद शाळेच्या आवारात पंचायत समितीचे गटविकास अधिकारी किरणकुमार धनवडे यांच्या मार्गदर्शनाखाली घेण्यात आले होते. लसीकरण शिबिरात कोठारीचे डॉ.इकबाल शेख व त्यांच्या चमूने सहकार्य केले. यावेळी काटवली-बामणीचे सरपंच गिरीधर आत्राम, उपसरपंच विजय डंबारे, सचिव व्ही.एन.भुयार, ग्रामपंचायत सदस्य माधुरी जेऊरकर, सुरेश पेंदोर, संगीत वाघाडे, विलास गुरनुले, ज्योती आत्राम इत्यादींची उपस्थिती होती.
विशेष म्हणजे, काटवली-बामणी या दोन्ही गावांत कोरोनाच्या पहिल्या लाटेपासून ते आजघडीला एकही रुग्ण पॉझिटिव्ह आढळला नाही. लसीकरणाच्या उद्दिष्टपूर्तीसाठी उमेद महिला बचत गटाच्या महिला, जनसेवा ग्रामीण शिक्षण प्रतिष्ठान, ग्रामपंचायतचे कर्मचारी गजानन मडावी, रूपेश लोणारे, आशा वर्कर निशा गडकर यांनी सहकार्य केले.