औरंगाबाद : डॉ. जयश्री सूर्यवंशी यांनी डाॅ. बाबासाहेब आंबेडकर मराठवाडा विद्यापीठाच्या कुलसचिव पदाचा तडकाफडकी राजीनामा दिला आहे. दरम्यान, मंगळवारी डाॅ. भगवान साखळे यांच्याकडे कुलगुरू डॉ. प्रमोद येवले कुलसचिव पदाचा अतिरिक्त पदभार दिला. डॉ. साखळे यांनी कुलसचिवपदाचा कार्यभार स्विकारला आहे.
डाॅ. जयश्री सूर्यवंशी यांची कुलसचिवपदी नियुक्ती झाल्यापासून ही नियुक्ती वादग्रस्त ठरली होती. रिपाइंचे नागराज गायकवाड यांनी त्यांच्या प्रथम नियुक्तीवर आक्षेप घेतला होता. तसेच हे प्रकरण पुढे न्यायप्रविष्ट झाले. दरम्यान, सोमवारी सायंकाळी कुलसचिवपदाचा जयश्री सूर्यवंशी यांनी तडकाफडकी राजीनामा दिला. कुलगुरु डाॅ. प्रमोद येवले यांनी तात्काळ राजीनामा स्वीकारत स्विकारत त्यांना कार्यमुक्त केले.
डाॅ. साखळेंनी पदभार स्विकारलाफुड टेक्नाॅलाॅजी विभागातील प्राध्यापक तथा गोपीनाथराव मुंडे राष्ट्रीय ग्रामीण विकास व संशोधन संस्थेचे संचालक डाॅ. भगवान साखळे यांच्याकडे पुढील आदेशापर्यंत कुलसचिवपदाचा अतिरिक्त पदभार कुलगुरुंनी सोपविण्यात आला आहे.