ठळक मुद्देबुधवारी सायंकाळपर्यंत पाच बाधितांचा मृत्यू
औरंगाबाद : घाटी रुग्णालयात उपचार सुरू असताना बुधवारी दुपारी तिघांचा मृत्यू झाल्यानंतर सायंकाळी आणखी दोघांचा मृत्यू झाला. यामुळे जिल्ह्याची कोरोना बळीचा आकडा ६५० वर पोहंचला आहे.
दुपारी पिसादेवी -हर्सूल येथील ६० वर्षीय महिला, एन-११, सिडको येथील ७० वर्षीय महिला आणि एकतानगर-हर्सूल येथील ६३ वर्षीय महिला या तीन बाधितांच्या मृत्युनंतर सायंकाळी भारतनगर येथील ३५ वर्षीय पुरुष आणि बिडकीन-पैठण येथील ५४ वर्षीय पुरुष अशा दोन बाधितांचा घाटी रुग्णालयात उपचारादरम्यान मृत्यू झाल्याची माहिती घाटी प्रशासनाने दिली.
आज १२३ बाधितांची वाढजिल्ह्यात बुधवारी १२३ बाधितांची वाढ झाली तर ५ रुग्णांचा मृत्यू झाला. एकूण रुग्णसंख्या २१, ५१५ एवढी झाली आहे. आतापर्यंत १६, ४४० रूग्ण बरे झाले आहेत. तर ६५० जणांचा मृत्यू झाला आहे. सध्या ४४२५ जणांवर उपचार सुरू आहेत.