तरुणाईच्या उत्साहाला आज येणार उधाण

नवरात्रीचे अवघे दोन दिवस बाकी राहिल्यामुळे गुरुवारी ‘लोकमत रंगिलो दांडिया’साठी प्रोझोन मॉलच्या हिरवळीवर गरबाप्रेमींचा अपूर्व उत्साह दिसून आला.

लोकमत न्यूज नेटवर्कऔरंगाबाद : नवरात्रीचे अवघे दोन दिवस बाकी राहिल्यामुळे गुरुवारी ‘लोकमत रंगिलो दांडिया’साठी प्रोझोन मॉलच्या हिरवळीवर गरबाप्रेमींचा अपूर्व उत्साह दिसून आला. राज्य महिला आयोगाच्या अध्यक्षा विजया रहाटकर, पोलीस उपायुक्त दीपाली धाटे- घाटगे यांच्या हस्ते देवीची आरती झाली आणि तरुणाईने जल्लोष करीत पारंपरिक गरब्याच्या गाण्यांवर थिरकण्यास सुरुवात केली.याप्रसंगी ‘लोकमत’चे संपादक सुधीर महाजन, सहायक उपाध्यक्ष संदीप विश्नोई, प्रोझोनचे मोहम्मद अर्शद, पुरातत्व विभागाचे शिवकांत वाजपेयी, विजय वाडकर, सुधीर मोकळे, मनोज बोरा, जितेंद्र सलुजा आदींची उपस्थिती होती.आज नववी माळ. यंदाच्या नवरात्रोत्सवात धूम करण्याचा, मनसोक्त दांडिया खेळण्याचा आजचा शेवटचा दिवस. यामुळेच संपूर्ण तयारीनिशी तरुणाई मैदानात उतरणार आणि देहभान हरपून दांडिया खेळणार. आजच्या शेवटच्या दिवशी प्रोझोनच्या सहकार्याने आयोजित ‘लोकमत रंगिलो दांडिया’च्या तालावर थिरकण्यासाठी सज्ज व्हा. रवी जैस्वाल आणि हिना पाली यांनी गुरुवारी संचालन केले.