औरंगाबाद : माजी खासदार रामकृष्णबाबा पाटील यांचे सकाळी ६.३० वाजता निधन जाले. ते ९१ वर्षांचे होते. त्यांच्यावर सायंकाळी ४ वाजता दहेगाव ता. वैजापूर येथे अंत्यसंस्कार करण्यात येणार आहेत.
रामकृष्णबाबा यांना मागील आठवड्यापासून मधुमेहाचा त्रास होऊ लागल्यामुळे शहरातील खासगी रूग्णालयात दाखल करण्यात आले होते. उपचारादरम्यान त्यांचा आज पहाटे मृत्यू झाला.
२ सप्टेंबर १९३६ ला दहेगाव ( जि. औरंगाबाद ) येथे रामकृष्ण जग्ग्नाथ पाटील यांचा जन्म झाला. दहावी उत्तीर्ण रामकृष्णबाबांचे शेती आणि सहकार या विषयातील ज्ञान आणि अनुभव मोठा होता. सहकारातून पुढे आलेले रामकृष्णबाबा १९७८- ८० या काळात पंचायत समितीचे सभापती होते. १९८५ ते १९९५ या काळात ते वैजापूर मतदारसंघातून दोनदा विधानसभेवर निवडून गेले. त्यानंतर ते १९९५ ला खासदार झाले. या दरम्यान केंद्रात कृषी व अर्थविषयक समितीचे सदस्य म्हणून त्यांनी काम केले. तब्बल २५ वर्षे ते औरंगाबाद जिल्हा मध्यवर्ती सहकारी बँकेचे अध्यक्ष राहिले.