जायकवाडी १०० % भरले !

जायकवाडी धरण शुक्रवारी सकाळी ८ वाजता काठोकाठ १०० टक्के भरले. शिवाय धरणात ३२१५ क्युसेक क्षमतेने आवक सुरूच असल्याने सायंकाळी ६ वाजता धरणाचे २ दरवाजे उघडून १००० क्युसेक क्षमतेने गोदावरीत जवळपास एक तास विसर्ग करण्यात आला.

ठळक मुद्देदोन दरवाजे तासाभरासाठी उघडले

पैठण (जि. औरंगाबाद) : जायकवाडी धरण शुक्रवारी सकाळी ८ वाजता काठोकाठ १०० टक्के भरले. शिवाय धरणात ३२१५ क्युसेक क्षमतेने आवक सुरूच असल्याने सायंकाळी ६ वाजता  धरणाचे २ दरवाजे उघडून १००० क्युसेक क्षमतेने गोदावरीत जवळपास एक तास विसर्ग करण्यात आला. परभणीच्या जिल्हाधिकाºयांनी पाण्याची मागणी केल्याने दरवाजे बंद करून डाव्या कालव्यातून पाणी सोडण्यात आले आहे.१५२२ फुट जलक्षमता असलेल्या जायकवाडी धरणाची पाणीपातळी शुक्रवारी सकाळी १५२२ फूट नोंदविली गेली. धरणात पाण्याची आवक सुरू असल्याने धरणाच्या गेटवरून पाणी लाटेमुळे गोदावरी पात्रात पडत होते. यामुळे धरण प्रशासनाने आज दिवसभर सतर्क राहून धरणात येणाºया पाण्यावर नजर ठेवली. जायकवाडीचा जलसाठा वाढतच असल्याने शेवटी सायंकाळी ६ वाजता धरणाचे दोन दरवाजे दरवाजा क्र. १० व २७ हे वर उचलून धरणातून १००० क्युसेक क्षमतेने विसर्ग केला.  धरणात यंदा १ जूनपासून ७६.६५ टीएमसी पाण्याची आवक झाली आहे. धरणात २९०९.०४१ दलघमी. जलसाठा असून यापैकी २१७०.९३५ दलघमी. जिवंत जलसाठा आहे.