औरंगाबाद येथे होणार लोकांगण महोत्सव

ज्येष्ठ पत्रकार पी.जी.शिंदे यांच्या स्मृतिप्रीत्यर्थ रोटरी क्लब औरंगाबादच्या वतीने १ आॅक्टोबर रोजी औरंगाबाद येथील संत एकनाथ रंगमंदिरात विभागीय लोकांगण महोत्सव आयोजित केला आहे.

लोकमत न्यूज नेटवर्कपरभणी : ज्येष्ठ पत्रकार पी.जी.शिंदे यांच्या स्मृतिप्रीत्यर्थ रोटरी क्लब औरंगाबादच्या वतीने १ आॅक्टोबर रोजी औरंगाबाद येथील संत एकनाथ रंगमंदिरात विभागीय लोकांगण महोत्सव आयोजित केला आहे.लोककलांना व्यासपीठ मिळवून देण्याच्या उद्देशाने या महोत्सवाचे आयोजन करण्यात आले आहे. पोवाडा, भजन, कीर्तन, भारुड, लावणी, बतावणी, वाघ्या-मुरळी, गोंधळ, जागरण, पांगूळ, पोतराज, दशावतार, वासुदेव, बहुरुपी, दंडार, कुडमुडे जोशी, कोव्या, मसनजोगी, गवळण आदी कलांचे अस्तित्व कायम राखण्यासाठी प्रा.मिलिंद साळवी व प्रशांत शिंदे यांनी या महोत्सवाचे आयोजन केले आहे. उत्कृष्ट सादरीकरण सादर करणाºया संचाला १० हजार रुपयांपासून ते २ हजार रुपयांपर्यंत प्रोत्साहनपर मदत केली जाणार आहे.जिल्ह्यातील लोककलावंतांनी समन्वयक बाबूराव केळकर, शाहीर मधुकर पाटील यांच्याकडे नाव नोंदणी, असे आवाहन लोकांगण महोत्सव समितीने केले आहे.