औरंगाबाद : एमजीएम टी-२० क्रिकेट स्पर्धेत लकी सी.सी. संघाने चुरशीच्या लढतीत यंग इलेव्हन ब संघावर मात करीत बाद फेरीत प्रवेश मिळवला. वसीम सामनावीर ठरला.लकी सी.सी. संघाने प्रथम फलंदाजी करताना २० षटकात ७ बाद १४६ धावा केल्या. त्यांच्याकडून इम्रान पटेलने ३६ चेंडूंत ७ चौकार व एका षटकारासह ५२, तर शेख अमान व हुसेन अमोदी यांनी अनुक्रमे ४७ व २० धावा केल्या. यंग इलेव्हन ब कडून संदीप गायकवाड, वाल्मीक मुळे यांनी प्रत्येकी २, तर शुभम चाटे व संदीप लहाने यांनी प्रत्येकी १ गडी बाद केला.प्रत्युत्तरात यंग इलेव्हन ब संघ २० षटकांत ८ बाद १३८ पर्यंतच मजल मारू शकला. त्यांच्याकडून संदीप नागरे याने ४९, उदय पांडेने ३८ व संदीप गायकवाडने २४ धावा केल्या. लकी सी.सी.कडून एम.डी. वसीमने २९ धावांत ४ गडी बाद केले. शेख अमान याने २, तर शेख वसीम व इम्रान पटेल यांनी प्रत्येकी १ गडी बाद केला. पंच म्हणून गंगाधर शेवाळे व राजेश सिद्धेश्वर यांनी काम पाहिले. गुणलेखन अनंत बकाल याने केले.
लकी सी. सी. बाद फेरीत
By लोकमत न्यूज नेटवर्क | Published: December 08, 2017 1:02 AM