औरंगाबाद पश्चिममधील काँग्रेसचे उमेदवार रमेश गायकवाड यांची खंडपीठात धाव

औरंगाबाद पश्चिम मतदारसंघात काँग्रेसचे अधिकृत उमेदवार रमेश गायकवाड यांची खंडपीठात धाव घेतली आहे.

औरंगाबाद - औरंगाबाद पश्चिम मतदारसंघात काँग्रेसचे अधिकृत उमेदवार रमेश गायकवाड यांची खंडपीठात धाव घेतली आहे. रविवारची सुट्टी असताना न्या. संजय गंगापूरवाला आणि न्या. ए. एस. किलोर यांच्या खंडपीठाने गायकवाड याची याचिका दाखल करून घेतली. सोमवारी (7 ऑक्टोबर) सकाळी सर्वप्रथम high on board या याचिकेवर सुनावणी होणार आहे. त्यांचा उमेदवारी अर्ज पूर्ण असताना फेटाळला. 

उमेदवारी अर्ज स्वीकारण्याचा आदेश देण्याची विनंती गायकवाड यांनी केली आहे. त्यांच्या वतीने अडव्होकेट सिद्धेश्वर ठोंबरे काम पाहत आहेत. त्याचप्रमाणे गंगापूरचे मनसेचे उमेदवार अभिजित अधिकारी यांनी सुद्धा ठोंबरे यांच्या मार्फत खंडपीठात याचिका दाखल केली आहे. या याचिकेवर सुद्धा उद्या 7 ऑक्टोबरला सुनावणी होणार आहे. 

रमेश गायकवाड यांनी अपक्ष आणि कॉंग्रेस असे दोन उमेदवारी अर्ज दाखल केले होते. त्यांचे दोन्ही अर्ज बाद झाल्याची माहिती आहे. रमेश गायकवाड हे रिपब्लिकन पार्टी ऑफ इंडिया -डेमोक्रॅटिक गटाचे उमेदवार आहेत. कॉंग्रेसने औरंगाबाद पश्चिमची जागा या मित्र पक्षाला सोडली होती.