पावणेदोन लाखांची भिलपुरीत घरफोडी

जालना : तालुक्यातील भिलपूरी येथील अंबादास बापूराव भुतेकर यांच्या घराचे कुलूप तोडून कपाटातील सोन्या चांदीचे दागिने आणि रोख रक्कम असा १ लाख ७४ हजार २०० रूपयांचा मुद्देमाल अज्ञात चोरट्याने चोरून नेल्याची घटना गुरूवारी उघडकीस आली. भुतेकर यांच्या फिर्यादीवरून मौजपुरी पोलिस ठाण्यात अज्ञात चोरट्याविरूध्द गुन्हा दाखल करण्यात आला आहे.भुतेकर कुटुंबिय गुरूवारी सकाळी ३ ते ५.३० वाजेच्या सुमारास गाढ झोपेत असताना चोरट्यांनी घराचे कडी कुलूप तोडून घरात प्रवेश केला. आणि घरातील लोखंडी पेटी आणि कपाट तोडून त्यातील मुद्देमाल चोरून नेला. (प्रतिनिधी)