अल्पवयीन बालिकेसोबत रिक्षात अश्लील चाळे

रिक्षाचालक नागेश सखाराम शिंदे व एका अनोळखी व्यक्तीने कामगार चौकातून रस्त्याने जात असलेल्या एका अल्पवयीन बालिकेला बळजबरीने रिक्षात बसविले. तेथून कामगार चौक परिसरातील फूड लवर कॅफेजवळ गेल्यानंतर अश्लील चाळे करण्यास सुुरुवात केली. तेव्हा घाबरलेल्या तरुणीला याबाबत वाच्यता केल्यास आईवडिलांना ठार मारण्याची धमकी दिली. या वेळी बालिकेने आरडाओरड केल्यानंतर तिला साेडून दिले. घरी पोहोचल्यानंतर घडलेली घटना आईला सांगितल्यानंतर बालिकेने पोलिसात तक्रार दिली आहे. याप्रकरणी नागेश सखाराम शिंदे व एक अज्ञाताविरुद्ध पुंडलिकनगर पोलीस ठाण्यात गुन्हा दाखल करण्यात आला आहे. याप्रकरणाचा पुढील तपास उपनिरीक्षक मीरा चव्हाण करत आहेत. दरम्यान, जालना रोडवर रिक्षात एका अल्पवयीन मुलीची छेड काढण्याचा प्रयत्न केल्यामुळे भरधाव रिक्षातून मुलीने उडी घेतली होती. ही घटना काही दिवसांपूर्वीच घडलेली आहे. यानंतर पुन्हा एकदा रिक्षात मुलीची छेडछाड करण्याची घटना घडली.