आळंद : फुलंब्री तालुक्यातील उमरावती गावच्या सरपंचपदी सिमरनबी नजमोद्दीन पटेल यांची निवड जाहीर करण्यात आली.
उमरावती ग्रामपंचायतीची २०१७मध्ये निवडणूक होऊन सरपंचपदी तस्लीमबी अक्रम पठाण यांची निवड झाली होती. मात्र, त्यांच्या कुटुंबाने शासकीय जागेवर अतिक्रमण केल्याने त्यांचे पद रद्द करण्यात आले होते. हे पद गेल्या काही दिवसांपासून रिक्त होते. ३० मार्च रोजी ग्रामपंचायतीमध्ये विशेष बैठक बोलावून सरपंच पदासाठी निवडणूक घेण्यात आली. सरपंच पदासाठी पार्वताबाई विठ्ठल खमाट व सिमरनबी नजमाेद्दीन पटेल यांनी उमेदवारी अर्ज भरले होते. पार्वताबाई यांना पाच तर सिमरनबी यांना सहा मते पडली. अध्यासी अधिकारी पी. आर. कदम यांनी सिमरनबी पटेल यांची सरपंचपदी निवड झाल्याचे घोषित केले.
फोटो :