तिरुपती विशेष रेल्वेच्या फेरीत वाढ

औरंगाबाद : दक्षिण मध्य रेल्वेने दिवाळीनिमित्त प्रवाशांच्या सुविधेसाठी औरंगाबाद- तिरुपती- औरंगाबाद साप्ताहिक विशेष रेल्वेची एक फेरी वाढविली आहे. ३१ आॅक्टोबर रोजी दुपारी ३ वाजता औरंगाबाद स्थानकाहून ही रेल्वे निघेल. दुसऱ्या दिवशी दुपारी ३.३० वाजता तिरुपती येथे पोहोचेल. जालना, परभणी, नांदेड, सिकंदराबाद, विजयवाडामार्गे ही रेल्वे तिरुपती येथे पोहोचेल. परतीच्या प्रवासात ही गाडी १ नोव्हेंबर रोजी सायंकाळी ५.१० वा. तिरुपतीहून निघेल आणि दुसऱ्या दिवशी रात्री ८ वा. औरंगाबादेत पोहोचेल.