लोकमत न्यूज नेटवर्कतलवाडा : राष्ट्रीय महामार्ग क्र . २२२ वरील भेंडटाकळी शिवारात विटा घेवून जात असलेल्या ट्रक चालकाला चाकूचा धाक दाखवत लुटल्याची घटना सोमवारी रात्री घडली.बंडू शिवराम पारे (रा. इब्राहमपूर, ता. भोकरदन जि. जालना) असे चालकाचे नाव आहे. ते ट्रक (क्र .एम.एच.२१ डी. ९५२०) मधून विटा घेवून परळी येथून भोकरदनकडे जात होते. सदरील ट्रक भेंडटाकळी शिवारात आला तेव्हा दुचाकीवरून तीन चोरटे ट्रकसमोर आले. त्यांनी ट्रक आडवून केबीनमध्ये शिरून पारेंना चाकूचा धाक दाखवत पैशाची मागणी केली. भीतीपोटी त्यांनी ५ हजार रुपये त्यांच्या हातावर टेकवले. मात्र यावरही चोरांचे समाधान झाले नाही. त्यांनी जाताना त्यांच्या खिशातील एक मोबाईल, मनगटातील घड्याळ असा एकूण १२ हजार ३०० रूपयांचा ऐवज चोरून नेला. तलवाडा ठाण्यात वाटमारीची गुन्हा दाखल करण्यात आला आहे.
भेंडटाकळीत ट्रक चालकाला लुटले
By admin | Published: May 16, 2017 11:17 PM