वासडी : निंभोरा (ता. कन्नड) ग्रामपंचायतीवर ओम शिवशक्ती बजरंगबली युतीच्या ग्रामविकास पॅनेलने अकरापैकी दहा जागांवर विजय मिळविला, तर ग्रामविकास पॅनेलने केवळ एक जागा जिंकली.
दोन जागा यापूर्वीच बिनविरोध झाल्याने नऊ जागांसाठी झालेल्या चुरशीच्या लढतीत भगवान गीते यांच्या नेतृत्वाखालील ओम शिवशक्ती बजरंगबली युतीच्या ग्रामविकास पॅनेलने बाजी मारली.
भगवान गीते, वामन सोनवणे, शिवनंदा नागरे, रशिदाबी शहा, कारभारी सोनवणे, मीराबाई डिघोळे, हिराबाई घुगे, अनुसया घुले, विश्वास गायकवाड (बिनविरोध), हिराबाई कंचार (बिनविरोध) यांचा निवडणुकीत विजय झाला.
----------------------
पळशी (बु.) वर महर्षी पॅनेलचा विजय
वासडी : कन्नड तालुक्यातील पळशी (बु.) ग्रामपंचायत निवडणुकीत माजी आमदार हर्षवर्धन जाधव समर्थक मुबिन पटेल यांच्या विकास महर्षी पॅनेलला नऊपैकी सात जागा मिळाल्या. मुबिन पटेल आणि संदीप जाधव यांचे केदारनाथ ग्रामविकास पॅनेल यांच्यात नऊ जागांसाठी अटीतटीची लढत झाली. यात विकास महर्षीने विजय मिळविला.