प्रज्ञा - सुमंत विद्यालयाचे यश

राजगुरुनगर : पुणे जिल्हा क्रीडाधिकारी कार्यालय आणि पुणे जिल्हा क्रीडा परिषद यांच्या वतीने राजगुरुनगर येथे आयोजिलेल्या कबड्डी स्पर्धेत १७ वर्षांखालील वयोगटात पिंपरी येथील सुमंत विद्यालयाचा मुलींचा संघ विजयी झाला.
तालुका पातळीवरील या स्पर्धेमध्ये पिंपरी (ठाकूर) येथील सुमंत माध्यमिक व उच्च माध्यमिक विद्यालयाच्या मुलींच्या संघाने प्रथम क्रमांक मिळविला. याच वयोगटात मुलांच्या संघाने द्वितीय क्रमांक मिळविला. क्रीडाशिक्षक दिलीप ढमाले यांनी खेळाडूंना मार्गदर्शन केले.
श्रमसाफल्य शिक्षण प्रसारक मंडळाचे अध्यक्ष बाबाजी ठाकूर, मानद सचिव कैलास ठाकूर, कार्याध्यक्ष दत्तात्रय ठाकूर, संचालक अरुण वाळूंज, प्राचार्य पी. एन. कर्डिले, कलाशिक्षक पी. बी. नेवसे यांनी खेळाडूंचे अभिनंदन केले.
फोटो;- तालुकापातळीवरील १७ वर्षे वयोगटाखालील कबड्डी स्पर्धेत विजयी झालेला पिंपरी येथील सुमंत विद्यालयाचा मुलींचा आणि मुलांचा संघ.
-------------------------------------
०००००