असं म्हणतात की, प्रेमात ना वयाचं बंधन असतं ना जाती-धर्माचं. प्रेम हे मनावर केलं जातं. प्रेम कुणावरही कधीही होऊ शकतं. पण अनेकदा प्रेमाची प्रकरणं इतक किचकट होतात की लोकांना कायद्याच्या दारात जावं लागतं. पश्चिम बंगालच्या हावडामधून अशीच एका विचित्र घटना समोर आली आहे. इथे घराचं बांधकाम करण्यासाठी दोन मिस्त्री आले होते. इथे त्यांची घरातील दोन महिलांसोबत मैत्री झाली आणि मग मैत्री प्रेमात बदलली. नंतर दोन्ही महिला त्या दोन मिस्त्रींसोबत फरार झाल्या. घरातील लोकांनी पोलिसांकडे तक्रार दाखल केल्यावर हे प्रकरण समोर आलं.
घरी काम करायला आलेल्या मिस्त्रीसोबत पळाल्या सूना
लोकल मीडिया रिपोर्ट्सनुसार, हावडाच्या निश्चिंदा भागातील ही घटना आहे. येथील एका घरी दोन मिस्त्री घराचं काम करण्यासाठी गेले होते. घरातील दोन सूनांसोबत त्या दोघांचं बोलणं सुरू झालं. हळूहळू दोन्ही महिला दोन मिस्त्रींच्या प्रेमात पडल्या. मिस्त्री त्यांना आपल्या घरी मुर्शीदाबादला घेऊन गेले आणि नंतर ते मुंबईला गेले. घरातील लोकांनी पोलिसात तक्रार केल्यावर पोलिसांनी कारवाई सुरू केली.
पोलिसांनुसार, घरातील मोठ्या सूनेची कॉल लिस्ट चेक करण्यात आली आणि मग या प्रकरणाचा खुलासा झाला. पोलीस मिस्त्रींच्या घरीही पोहोचले होते. पण तोपर्यंत दोघेही महिलांसोबत फरार झाले होते.
स्थानिक पोलीस फरार झालेल्या मिस्त्री आणि महिलांच्या लोकेशनची माहिती मिळवण्याचा प्रयत्न करत आहेत. असं सांगितलं जात आहे की, पोलिसांनी एक स्पेशल टीम मुंबईला पाठवण्याच्या तयारीत आहे. घरातील मोठ्या सूनेसोबत लहान सून आपल्या ६ वर्षीय मुलाला सोबत घेऊन फरार झाली. दोघीही जेव्हा घरातून निघाल्या तेव्हा त्यांनी त्यांचे मोबाइल बंद केले होते. पोलीस त्यांचा शोध घेत आहेत.