हरयाणाच्या पानीपतमध्ये एका सर्वाइकल सेंटरच्या संचालकाने प्रेयसीला प्रेमाचा पुरावा देण्यासाठी गळफास घेऊन आत्महत्या केली. प्रेयसी सेंटर संचालकाच्या पत्नीची नात्याने मावशी लागते आणि वयाने त्याच्यापेक्षा ८ वर्षाने मोठी आहे. ही घटना शुक्रवारी सायंकाळी घडली.
मॅनेजरनुसार त्याने ओरडण्याचा आवाज ऐकला. त्यानंतर तो रूमच्या बाहेर पोहोचला. पाच मिनिटांनंतर महिलेने दरवाजा उघडला तर त्याला सेंटर संचालक फासावर लटकलेला दिसला. त्याने त्याच्या मालकाला सूचना दिली. त्यानंतर पोलिसांना बोलवण्यात आलं. मृत व्यक्तीच्या कुटुंबियांनी महिलेवर हत्येचा आरोप केला आहे. (हे पण वाचा : प्रेमप्रकरण बेतले जीवावर, महिलेसोबत फोटो व्हायरल झाल्यानंतर डॉक्टरची बेदम मारहाण करून हत्या)
दुरेजा गेस्ट हाउसचे मॅनेजर छबीरामने सांगितलं की, शुक्रवारी दुपारी २.१७ वाजता करनालच्या रतनगढ येथील ३० वर्षीय सर्वाइकल सेंटर संचालकाने १०३ नंबरची रूम बुक केली होती. ३.१० वाजता पानीपतच्या पठाण मोहल्ल्यातील ३८ वर्षीय महिलेने आधार कार्ड दाखवत आधीच्या एन्ट्रीवर सही केली.
दोघांचंही थांबण्याचं कारण आजार सांगण्यात आलं होतं. त्यांनी सांगितलं होतं की, त्यांना आराम करायचा आहे. त्यानंतर साधारण पाच वाजता रूममधून ओरडण्याचा आवाज आला. मॅनेजर धावत रूमजवळ गेला आणि महिलेच्या रडण्याचा आवाज त्याला आला. तिला दरवाजा उघडण्यास सांगितलं तर ती बाहेरूनच उघड असं सांगत टाळत राहिली. साधारण पाच मिनिटांनंतर तिने दरवाजा उघडला. तेव्हा मृत व्यक्ती महिलेच्या ओढणीने गळफास घेतलेला दिसला. तेच महिला बेडवर बसून रडत होती. (हे पण वाचा : पत्नी मारते, आपटते, चावते; न्याय द्या, अन्यथा इथेच मरेन! तक्रार करायला गेलेला पती रडकुंडीला)
पोलिसांनी मृतदेह पोस्टमार्टमसाठी पाठवला. यावेळी रूममध्ये दारूच्या बॉटल सापडल्या. असा अंदाज आहे की, दारू प्यायल्यावर व्यक्तीने गळफास घेतला. पुरूषाच्या नातेवाईकांनी सांगितलं की, पाच वर्षापूर्वी त्याचं एका तरूणीसोबत लग्न झालं होतं. त्यांना एक तीन वर्षांचा मुलगाही आहे. गेस्ट हाउसच्या मॅनेजरने सांगितलं की, याआधीही मृत आणि महिलेने मिळून गेस्ट हाऊसमध्ये रूम बुक केली होती. ते शेवटचे दोन महिन्यांपूर्वी आले होते.