लातूर : वृद्ध आईचा डाेक्यात काठी घालून मुलाने खून केल्याची घटना लातुरातील वाल्मिक नगरात मंगळवारी घडली. याबाबत एमआयडीसी पाेलिस ठाण्यात रात्री उशिरा गुन्हा दाखल केला असून, पाेलिसांनी आराेपी मुलाला अटक केली आहे.
लातुरातील वाल्मिक नगरात राहणाऱ्या सुभाषचंद्र कंदले (वय ८५) हे पत्नी आणि मुलासाेबत वास्तव्याला आहेत. मंगळवारी आई प्रभावती (वय ७९) जेवण घेवून मुलगा पुनमचंद्र कंदले (वय ४०) याच्या खाेलीत गेली. दरम्यान, मुलाने वृद्ध आईच्या डाेक्यात काठी घातल्याने ती गंभीर जखमी अवस्थेत जाग्यावरच काेसळली. बाहेर वडिल अंथरुणावर पडून हाेते. बराच वेळ झाले, पत्नी खाेलीतून बाहेर का आली नाही? असा प्रश्न त्यांना पडला. त्यांनी आपल्या दुसऱ्या मुलाला याची माहिती दिली. मुलगाही घरी दाखल झाला. मात्र, आराेपी मुलाने खाेलीला आतून कडी लावली हाेती. याबाबतची माहिती एमआयडीसी ठाण्याच्या पाेलिसांना देण्यात आली. घटनास्थळी दाखल झालेल्या पाेलिसांनी खाेलीचे दार उघडले. मृतावस्थेत पडलेल्या प्रभावती कंदले यांचा मृतदेह शवविच्छेदनासाठी लातूर शासकीय रुग्णालयात दाखल केला. घटनास्थळी डीवायएसपी भागवत फुंदे, पाेलिस निरीक्षक एस.डी. नरवाडे यांनी भेट दिली. तपास सपाेनि. देवकत्ते करीत आहेत.
याबाबत एमआयडीसी पाेलिस ठाण्यात जयकुमार कंदले (वय ४५) यांनी दिलेल्या तक्रारीवरुन मंगळवारी रात्री उशिरा गुन्हा दाखल केला असून, पाेलिसांनी पुनमचंद्र कंदले याला अटक केली आहे.