सदानंद नाईक
उल्हासनगर : कॅम्प नं-१ परिसरात राहणारे दीपक टेकवानी यांचा विश्वास संपादन केल्यानंतर, व्यावसायिक संबंध प्रस्थापित करणाऱ्या मंजुनाथ व मनरुप आचार्य या बापलेकांनी ४ कोटीं ४३ लाखाची फसवणूक केल्याचा प्रकार उघड झाला. याप्रकरणी उल्हासनगर पोलीस ठाण्यात गुन्हा दाखल झाला आहे.
उल्हासनगरातील व्यापारी दीपक टेकवानी यांचा विश्वास संपादन केल्यानंतर, मंजुनाथ आचार्य व मनरुप आचार्य या बापलेकांनी संगनमत करून सन २०११ पासून व्यावसायिक संबंध प्रस्थापित केले. दरम्यान ३ कोटी ८३ लाख ८४६ रुपये शिल्लक मालाचे तसेच टेकवानी यांच्या पत्नी व मुलगा यांच्याकडून कर्जापोटी घेतलेले ६० लाख रुपये असे एकून ४ कोटी ८३ लाख ५४ हजार ८४ रुपयांची सन-२०११ पासून फसवणूक केल्याची तक्रार उल्हासनगर पोलीस ठाण्यात दिली. टेकवानी यांच्या तक्रारीवरून उल्हासनगर पोलीस ठाण्यात आचार्य बापलेकावर फसवणूकीचा गुन्हा दाखल केला. अधिक तपास पोलीस करीत आहेत.