कपलचे अंडरगारमेंट्स चोरी करून पळत होता तरूण, पकडला गेला तर केली आत्महत्या...

पोलिसांनी अंडरगारमेंट्स चोरी करताना कथितपणे एका तरूणाला रूममध्ये बंद करण्याच्या आरोपाखाली पती-पत्नीविरोधात आत्महत्येला भाग पाडण्याचा गुन्हा दाखल केला आहे.

मध्य प्रदेशच्या भोपाळमधून एक विचित्र आणि धक्कादायक घटना समोर आली आहे. इथे एका १७ वर्षीय तरूणाने कथितपणे एक कपलचे अंडरगारमेंट्स चोरी केले आणि जेव्हा तो पकडला गेला तेव्हा कपलने त्याला रूममध्ये बंद केलं. पोलीस येईपर्यंत तरूणाने रूममध्ये आत्महत्या केली. पोलिसांनी अंडरगारमेंट्स चोरी करताना कथितपणे एका तरूणाला रूममध्ये बंद करण्याच्या आरोपाखाली पती-पत्नीविरोधात आत्महत्येला भाग पाडण्याचा गुन्हा दाखल केला आहे. पोलीस जेव्हा रूमममध्ये पोहोचले तेव्हा तरूणाने गळफास घेतला होता.

इंडिया टुडेच्या वृत्तानुसार, दाम्पत्याने त्या तरूणाविरोधात चोरीचा गुन्हा दाखल करण्यासाठी पोलिसांना बोलवलं होतं. जेव्हा पोलिसांनी रूमचा दरवाजा उघडला तेव्हा तरूण फॅनला गळफास घेऊन लटकलेला दिसला. पोलिसांनुसार, तरूण आपल्या चुलत भावासोबत रहायला आला होता. ज्या भागात त्याच भागात शेजाऱ्यांनी त्याला अंडरगारमेंट्स चोरी करताना पाहिलं होतं. २४ वर्षीय रवि आणि त्याच्या पत्नीने तरूणाचा पाठलाग केला. आणि त्याला पकडलं.

एसएचओ गांधी नगर पोलीस स्टेशन अरूण शर्मा म्हणाले की, 'दाम्पत्याने तरूणाला रूममध्ये बंद केल्यावर त्याच्या भावाने पोलिसांना फोन केला. जेव्हा पोलीस घटनास्थळी पोहोचले आणि त्यांनी रूममध्ये पाहिलं तर तरूण फॅनला गळफास घेतलेला दिसला. मृतकाच्या चुलत भावाच्या तक्रारीवरून पोलिसांनी दाम्पत्यावर आत्महत्येसाठी भाग पाडल्याचा गुन्हा दाखल केला. पोलीस पुढील चौकशी करत आहेत'.

पोस्टमार्टमनंतर रविवारी तरूणाचा मृतदेह त्याच्या परिवाराकडे सोपवण्या आला. दाम्पत्यावर गुन्हा दाखल केल्यावरच परिवाराने त्याच्यावर अंत्यसंस्कार केले. यादरम्यान दाम्पत्याचा तरूणाच्या कुटुंबीयांवर आरोप आहे की, त्यांनी त्यावेळी जे करायला हवं होतं तेच त्यांनी केलं आणि त्यांना उगाचच त्रास दिला जात आहे किंवा यात गोवण्यात येत आहे.