घरातील लोकांनी प्रियकरासोबत लग्न लावून द्यावं म्हणून प्रेयसी आणि प्रियकराने अनोखं पाउल उचललं. प्रेयसीने स्वत:वर अ‍ॅसिड हल्ला घडवून आणला, जेणेकरून घरातील लोक तिचं लग्न प्रियकरासोबत लावून देतील. ही घटना बिहारच्या नालंदा जिल्ह्यातील आहे.
नालंदातील सर्किट हाऊसजवळ दिवसाढवळ्या झालेल्या या अ‍ॅसिड अटॅकमध्ये पोलिसांनी २४ तासांच्या आत या ब्लाइंड केसचा उलगडा केला. त्यानंतर तरूणीच्या प्रियकरासहीत ५ आरोपींना अटकही केली.
डीएसपी डॉ. शिब्ली नोमानी यांनी सांगितलं की, तरूणीचं साजन कुमार नावाच्या तरूणासोबत गेल्या ७ वर्षांपासून प्रेम प्रकरण सुरू होतं. पण तरूणीच्या घरातील लोकांचा दोघांच्या लग्नाला विरोध होता. याच कारणाने तरूणी आणि तिच्या प्रियकराने असा प्लॅन केला की, जर अ‍ॅसिडने शरीराचा काही भाग भाजला तर तरूणीच्या परिवारातील लोक त्यांच्या लग्नासाठी परवानगी देतील. (हे पण वाचा : Shocking! सावत्र आई आणि सख्ख्या बापाने केली मुलीची हत्या, कारण वाचून चक्रावून जाल)
याबाबत १८ ऑगस्टला साजनने त्याच्या तीन चुलत भावांसहीत ४ तरूणांना पटण्यातील आलागंजमध्ये बोलवलं आणि त्यानंतर ही घटना घडवून आणली. घटनेच्या दिवशी सावज स्वत: तरूणीसोबत फिरत होता. आजूबाजूच्या सीसीटीव्ही कॅमेरात स्पष्ट दिसत आहे की, दोन तरूणींसोबत तो एका भागात फिरत आहे. अशात दोन तरूणी त्यांच्या विरूद्ध दिशेने एका भांड्यात अ‍ॅसिड घेऊन आले आणि तरूणीवर फेकून फरार झाले.
तरूणी आणि प्रियकर २०१७ मध्ये घरातून पळूनही गेले होते. मात्र परिवाराच्या दबावामुळे त्यांना घरी परत यावं लागलं होतं. अटक करण्यात आलेल्या सर्व आरोपींवर गुन्हा दाखल करण्यात आला आहे. तर तरूणीवर हॉस्पिटलमध्ये उपचार सुरू आहे. पोलीस पुढील कारवाई करत आहेत.